महालक्ष्मी विकास बैंकका ऋणीलाई व्याजमा १० प्रतिशत छुट
<p>काठमाडौं। महालक्ष्मी विकास बैंकले कोभिड-१९ महामारीका कारण उत्पन्न असहज परिस्थितिलाई ध्यानमा राख्दै आफ्ना ऋणीहरूलाई व्याजमा १० प्रतिशत छुट दिने निर्णय गरेको छ।</p>
<p>नेपाल राष्ट्र बैंकको गत १६ चैतको निर्देशन बमोजिम चैत २०७६ मा भुक्तानी गर्नुपर्ने किस्तामध्ये चैत मसान्तभित्रमा भुक्तानी भएकाको हकमा व्याज छुट दिइएको बैंकले जनाएको छ।</p>
<p>“ग्राहकहरूले यस विषम परिस्थितिमा पनि कर्जाको किस्ता÷व्याज भुक्तानीमा देखाएको इमान्दारिताको कदर गर्दै छुट रकम ग्राहकको खातामा जम्मा गरिसकिएको छ,” बैंकको विज्ञप्तिमा उल्लेख छ।</p>
प्रतिक्रिया दिनुहोस्
.jpg)
