बजेटमा निजी क्षेत्रका सबै सुझाव नसमेटिँदा आर्थिक पुनर्उत्थान चूनौतीपूर्णः गोल्छा
<p>काठमाडौं। नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाले बजेटमार्फत् आर्थिक पुनर्उत्थान चूनौतीपूर्ण रहेको बताएका छन्।</p>
<p>उनले निजी क्षेत्रका छाता संगठनले दिएका सबै सुझाव बजेटमा नसमेटिँदा आर्थिक पुनर्उत्थान चूनौतीपूर्ण बनेको बताएका हुन्।</p>
<p>भ्याट र आकरको दरसँगै विद्युत महसुल घटाउन एवं तरलता व्यवस्थापनजस्ता विषय नसमेटिएको उनको भनाइ छ।</p>
<p>यद्यपि बजेटले साना तथा मझौला उद्योगी व्यवसायीलाई प्रोत्साहन गर्ने, पर्यटनमा सहुलियत, पुनर्कर्जा विस्तार र विद्युत‍्को माग शुल्क खारेजी गरिनु सकारात्मक भएको बताएका छन्।</p>
<p>उनले बजेट सार्वजनिक भएपछि सामाजिक सञ्जाल ट्वीटरमार्फत् प्रतिक्रिया दिँदै यस्तो बताएका हुन्।</p>
प्रतिक्रिया दिनुहोस्
.jpg)
