यातायात व्यवसायी र सरकारबीच छलफल
<p style="text-align: justify;">काठमाडौं। सार्वजनिक यातायात चलाउने/नचलाउने बारे सरकार र यातायात व्यवसायीबीच छलफल सुरु भएको छ।</p>
<p style="text-align: justify;">यातायात व्यवसायी महासंघ, तीन वटा ट्रेड युनियन र भौतीक पूर्वाधार तथा यातायात मन्त्रालयबीच छलफल सुरु भएको हो।</p>
<p style="text-align: justify;">सरकारले गत शुक्रबार अर्थात २६ गतेदेखि छोटो दूरीको सार्वजनिक यातायात सञ्चालन गर्न दिने निर्णय गरेको थियो।</p>
<p style="text-align: justify;">तर, यातायात व्यवसायीहरुले सुरक्षाको मापदण्ड र यातायात व्यवसायी र मजदुरलाई राहत उपलब्ध नगराई यातायात सञ्चालन नगर्ने निर्णय गरेका थिए।</p>
<p style="text-align: justify;">सरकारले आफ्ना माग पुरा नगरी सार्वजनिक यातायात नचलाउने निर्णय गरेका व्यवसायीले सरकारसँग छलफल गर्न समन्वय समिति बनाएका थिए।</p>
<p style="text-align: justify;">सोही समन्वय समिति र सरकारबीच छलफल सुरु भएको यातायात व्यवसायी महासंघका महासचिव सरोज सिटौलाले जानकारी दिए।</p>
.jpg)
