विकास समितिबाट धरहरा, काष्ठमण्डप र रानीपोखरीको अवलोकन
<p>काठमाडौं। संघीय संसद्‍अन्तर्गत प्रतिनिधिसभाको विकास तथा प्रविधि समितिका सभापति र सदस्यहरुले पुनर्निर्माण भइरहेका धरहरा, काष्ठमण्डप र रानीपोखरीको अवलोकन गरेका छन्।</p>
<p>समितिकी सभापति कल्याणीकुमारी खड्का नेतृत्त्वको संसदीय प्रतिनिधिमण्डलले आज ती क्षेत्रमा भइरहेको पुनर्निर्माण कार्यको जानकारी लिएको हो।</p>
<p>अवलोकनपछि राष्ट्रिय पुनर्निर्माण प्राधिकरणकाे सभाहलमा समिति सदस्यहरुले प्रबलीकरण भइरहेको मुख्य प्रशासनिक भवन सिंहदरबारको पछिल्लो अवस्थाबारे जानकारी लिए।</p>
<p><img alt="" src="/uploads/editor/2020-07-13/110713509Bikash-tatha-Prabidhi-samit.jpg" /></p>
<p>सभापति खड्काले विभिन्न समस्याका बाबजुद सन्तोषजनक ढंगले पुनर्निर्माण जारी रहेकोमा खुसी व्यक्त गरिन्। उनले पुनर्निर्माणमा रहेका समस्या समाधानका लागि समितिले सहयोग गर्ने बताइन्।</p>
<p>प्राधिकरणका प्रमुख कार्यकारी अधिकृत सुशील ज्ञवालीले स्वास्थ्य सुरक्षाका सबै मापदण्डहरु अवलम्बन गर्दै धरहरा, रानीपोखरी, सिंहदरबार लगायतमा पुनर्निर्माणका कार्य अघि बढाइएको बताए।</p>
<p>उनले संसद्‍का समितिबाट प्राप्त सुझाव तथा निर्देशनहरुले पुनर्निर्माणका कार्यहरु गर्न थप सहयोग पुगेको धारणा व्यक्त गरे।</p>
प्रतिक्रिया दिनुहोस्
.jpg)
