अमेरिकामा टिकटक प्रतिबन्ध गर्ने राष्ट्रपति ट्रम्पको घोषणा
<p>काठमाडौं। अमेरिकी राष्ट्रपति डोनाल्ड ट्रम्पले शुक्रबार राति प्रसिद्ध भिडिओ सेयरिङ एप ‘टिकटक’ अमेरिकामा प्रतिबन्ध लगाउने बताएका छन्। </p>
<p>चिनियाँ प्यारेन्ट कम्पनीको स्वामित्वमा रहेको टिकटक किन्नका लागि अमेरिकी मल्टिनेसनल टेक्नोलोजी कम्पनी माइक्रोसफ्टले गर्ने प्रस्ताव पनि ट्रम्पको घोषणापछि खारेज हुने भएको छ।</p>
<p>“जहाँसम्म टिकटकको कुरा छ, हामी यो एपलाई अमेरिकामा प्रतिबन्ध लगाउछौं,” राष्ट्रपति ट्रम्पले भने, “मसँग यो अधिकार छ।”</p>
<p>ट्रम्पले आकस्मिक आर्थिक शक्ति अथवा कार्यकारी शक्तिको प्रयोग गरेर प्रतिबन्ध लगाउने बताएका छन्।</p>
<p>अमेरिकी राष्ट्रिय सुरक्षामा चुनौति रहेको बताउँदै ट्रम्पले माइक्रोसफ्टले गर्ने सम्भावित प्रस्तावलाई पनि माटोमा मिलाइदिएका छन्।<br />
</p>
प्रतिक्रिया दिनुहोस्
.jpg)
