मकवानपुरका २१९ घरेलु उद्योग बन्द
<p style="text-align: justify;">काठमाडाैं। मकवानपुरमा विभिन्न स्थानमा सञ्चालनमा रहेका २१९ घरेलु तथा साना उद्योग बन्द भएका छन्।</p>
<p style="text-align: justify;">घरेलु तथा साना उद्योग कार्यालय मकवानपुरका अनुसार आर्थिक वर्ष २०७६/७७ मा उक्त ती उद्योगको दर्ता खारेज भएको छ।</p>
<p style="text-align: justify;">हाल मकवानपुरमा खारेज गरिएका बाहेक आठ हजार ७५६ वटा उद्योग सञ्चालनमा रहेको कार्यालयका प्रमुख जगन्नाथ दाहालले जानकारी दिए।</p>
<p style="text-align: justify;">साथै गत आर्थिक वर्षमा मात्रै एक हजार १४४ उद्योग नवीकरण भएका छन्।</p>
<p style="text-align: justify;">त्यस्तै २१३ वटा उद्योग फर्मको नामसारी भएको छ।</p>
<p style="text-align: justify;">अघिल्लो आवभन्दा गत आवमा साझेदारी तथा निजी उद्योग दर्ता गर्ने संख्या घटेको छ।</p>
<p style="text-align: justify;">कार्यालय प्रमुख दाहालका अनुसार अघिल्लो आवमा एक हजार ९३१ उद्योग दर्ता भएका थिए भने गत आवमा उक्त संख्या घटेर एक हजार २६४ वटा मात्र दर्ता भएको बताइएको छ।</p>
<p style="text-align: justify;">कोरोना भाइरसका कारण यस वर्ष २०७६/७७ मा उद्योग दर्तामा कमी आएको अनुमान गरिएको छ। <em>रासस</em></p>
.jpg)
