प्रतितोला १ लाख नजिक पुग्यो सुनको भाउ
<p>काठमाडौं। अन्तर्राष्ट्रिय बजारमा सुनको मूल्य लगातार उकालो लाग्दा त्यसको प्रत्यक्ष असर नेपाली बजारमा देखिन थालेको छ। </p>
<p>नेपाल सुनचाँदी व्यवसायी महासंघका अनुसार आज नेपाली बजारमा सुनको मूल्य ९९ हजार ६०० रूपैयाँ पुगेको छ।</p>
<p>जसअनुसार प्रतितोला सुनको मूल्य एक लाख रूपैयाँ पुग्न ४०० मात्र बाँकी छ। सुनचाँदी महासंघले आज खुलेको बजारमा सुनको मूल्य प्रतितोला ३०० रूपैयाँले बढेको हो।</p>
<p>खासगरी, पछिल्लो समय अन्तर्राष्ट्रिय लगानीकर्ताले आफ्नो लगानी सुरक्षित गर्न सुनमा लगानी बढाइरहेका छन्। योसँगै मूल्यले प्रत्येक दिन नयाँ कीर्तिमान कायम गर्दै आएको छ।</p>
<p>शुक्रबार नेपाली बजारमा सुनको मूल्य ९९ हजार ३०० रूपैयाँ प्रतितोला थियो। यस्तै, आज तेजाबी सुनको मूल्य प्रतितोला ९९ हजार १६० रुपैयाँ तोकिएको छ।</p>
<p>आज चाँदीको मूल्य एक हजार २३० रूपैयाँ छ।</p>
प्रतिक्रिया दिनुहोस्
.jpg)
