Economics, Business and Entrepreneurship

गृहपृष्ठ

सुधारियो सेयर बजार, १ अर्ब २९ करोडको काराबोर काठमाडौं। सोमबार सेयर बजार ७ दशमलव ५९ अंकले सुधार भएको छ। हिजो आइतबार ४२ अंकले घटेको परिसूचक आज सामान्य अंकले सुधारिएको हो। कारोबार सुरु हुँदा १ हजार ३९६ अंकबाट सुरु भएको नेपाल स्टक एक्सचेन्ज नेप्से बन्द हुँदा १ हजार ४०३ अंकमा रह्यो। आज ७ अंकले बढेको नेप्सेमा १ अर्ब २९ करोड रुपैयाँ बराबरको ५३ लाख कित्ता सेयर खरिद-बिक्री भएको छ। नेप्सेमा सुधार आए पनि आज जलविद्युत, फाइनान्स र म्यूचुअल फण्ड समूह घटेको छ। जलविद्युत ३ दशमलव ५५, फाइनान्स ० दशमलव ८४ र म्यूचुअल फण्ड ० दशमलव ०६ अंकले घटेको छ। त्यसबाहेकका अन्य समूहमा सुधार आएको छ। आज अजोड इन्स्योरेन्स कम्पनीका लगानीकर्ताले सबैभन्दा बढी कमाएका छन्। हिजो आइतबार नेप्से ४२ अकले घटेका थियो।