धितोपत्र बजार : ३७ अंकले बढ्यो नेप्से
<p>काठमाडाैं। धितोपत्र बजारमा आज शेयर कारोबार मापक नेप्से परिसूचक ३७ अंकले बढेको छ।</p>
<p>नेपाल स्टक एक्सचेन्जका अनुसार नेप्से ३७.७४ अंकले बढेर एक हजार ४३०.४१ पुगेको छ।</p>
<p>यस्तै सेन्सेटिभ परिसूचक ७.६३ अंकले बढेर २९८.६४ पुगेको छ।</p>
<p>स्टकका अनुसार आज कूल १८९ कम्पनीका ४२ लाख ५२ हजार ८०८ कित्ता शेयर एक अर्ब ५५ करोड ५५ लाख १८ हजार ९२३ रूपैयाँमा खरिदबिक्री भयो।</p>
<p>आज कारोबार भएका कूल १२ मध्ये एक उपसमूहको शेयर मात्र ओरालो लागेको छ।</p>
<p>सामूहिक लगानी कोष ०.०३ अंकले ओरालो लाग्दा बैंकिङ ३२.९३, व्यापार १०.१४, होटल ५८.१, विकास बैंक ५५.४१, जलविद्युत् २३.२३, वित्त ७.६७, निर्जीवन बीमा २८३.०८, उत्पादन ५४.८६, अन्य १२.६३, लघुवित्त ७१.५७ र जीवन बीमा २२३.१५ अंकले उकालो लागे।</p>
<p>कारोबार रकमका आधारमा आज नेपाल पुनर्बीमा कम्पनी शीर्ष स्थानमा रह्यो। सो कम्पनीको शेयर सात करोड १६ लाख ३९ हजार ८८ मा खरिदबिक्री भयो।</p>
<p>यस्तै नेपाल लाइफ इन्स्योरेन्स कम्पनीको ६ करोड ८१ लाख ५० हजार २८३, एनआइसी एसिया बैंकको पाँच करोड ३८ लाख १६ हजार ६६३, अजोड इन्स्योरेन्सको चार करोड ८४ लाख २२ हजार ४४५ र एनएमबी बैंकको शेयर तीन करोड ३९ लाख ७८ हजार ९६ रूपैयाँमा कारोबार भई शीर्ष स्थानमा रहे।</p>
<p>आज साधना लघुवित्त वित्तीय संस्थाका लगानीकर्ताले सबैभन्दा बढी ९.८६ प्रतिशतले कमाए।</p>
<p>यस्तै अजोड इन्स्योरेन्स कम्पनी ९.८५, घोडीघोडा लघुवित्त वित्तीय संस्था ८.७०, एभरेष्ट इन्स्योरेन्स ८.५८ र साङ्ग्रीला डेभलपमेन्ट बैंकका शेयरधनीले ८.३९ प्रतिशतले कमाए।</p>
<p>दिव्यश्वरी हाइड्रोपावरका लगानीकर्ताले सर्वाधिक ५.७० प्रतिशतले गुमाए।</p>
<p>यस्तै गुराँस लघुवित्त वित्तीय वित्तीय संस्था ४.७६, वेष्ट फाइनान्स कम्पनी ३.९२, खानीखोला हाइड्रोपावर ३.९२ र घलेम्दी हाइड्रोपावरका शेयरधनीले ३.४५ प्रतिशतले गुमाए। <em>रासस</em></p>
प्रतिक्रिया दिनुहोस्
.jpg)
