तरकारीको भाउ आकाशिएपछि बजार अनुगमनमा आपूर्तिमन्त्री
<p style="text-align: justify;">काठमाडौं। निषेधाज्ञाका कारण तरकारीको भाउ आकाशिएपछि उद्योग, वाणिज्य तथा आपूर्तिमन्त्री लेखराज भट्ट कालीमाटी फलफूल तथा तरकारी बजार पुगेका छन्।</p>
<p style="text-align: justify;">आपूर्तिमन्त्री भट्ट तरकारीको मूल्य बढ्नुको कारण बुझ्न आज बिहान छड्के अनुगमनमा गएका हुन्।</p>
<p style="text-align: justify;">अनुगमनका क्रममा व्यवसायीहरूले कोरोना भाइरसबाट बच्नका लागि आवश्यक स्वास्थ सुरक्षाको मापदण्ड प्रयोग गरे/नगरेको समेत जानकारी लिएका थिए।</p>
<p style="text-align: justify;">बल्खु र कालीमाटीको फलफूल र तरकारी बजारमा पुगेका मन्त्री भट्टले तरकारीसँगै खाद्यान्नको मूल्य बारे समेत चासो राखेका थिए।</p>
<p style="text-align: justify;">छड्के अनुगमनपछि उनले उपभोक्तालाई सहज मूल्यमा तरकारी तथा खाद्यान्न उपलब्ध गराउन व्यवसायीहरूलाई निर्देशनसमेत दिएका छन्।</p>
.jpg)
