तरकारी महँगिएपछि वाणिज्य विभागले बढायो अनुगमन
<p>काठमाडौं। वाणिज्य विभागले तरकारी बजार र तरकारी पसलहरूको अनुगमनलाई तीव्रता दिएको छ।</p>
<p>बजारमा तरकारीको भाउ आकाशिएको गुणासो बढेपछि विभागले विभिन्न स्थानका बजारहरूमा अनुगमन तीव्र बनाएको हो।</p>
<p>त्यसैक्रममा आज काठमाडौं उपत्यकाको तिनकुने, जडिबुटी, नरेफाँट र भक्तपुर चारदोबाटोका तरकारी तथा फलफुल बजारमा अनुगमन गरेको छ।</p>
<p>बिहानैदेखि अनुगमनमा खटिएको विभागको टोलीले १४ वटा व्यापारिक फर्महरुलाई अनुगमन, निरीक्षण तथा कारबाही गरी सुधारको निर्देशन दिएको ट्वीटरमार्फत जानकारी दिएको छ।</p>
<p>विभागका निर्देशक रविन्द्र आचार्यले जनगुणासो बढेपछि उजुरी बिनै बजारको अनुगमनमा निस्किएको बताए।</p>
<p>“विभागले उजुरी परेपछि मात्रै कारबाही र बजार अनुगमन गर्छ भन्ने हैन। हामी अहिले उजुरी नपरी पनि बजारको अनुगमन गरिरहेका छौं। त्यहीक्रममा तरकारी बजारको अनुगमनलाई तीव्रता दिएका हौं,” उनले भने।</p>
प्रतिक्रिया दिनुहोस्
.jpg)
