राष्ट्रिय अन्तरिक्ष चित्रकला तथा वक्तृत्वकला प्रतियोगिता हुने
<p>काठमाडाैं। नेपाल एष्ट्रोनोमिकल सोसाइटी (नासो) ले राष्ट्रिय विज्ञान दिवस तथा विश्व अन्तरिक्ष सप्ताहको सन्दर्भ पारेर संचालन गर्दै आएको राष्ट्रिय अन्तरिक्ष चित्रकला तथा अनलाइन वक्तृत्वकला प्रतियोगिताको आवेदन आजबाट खुल्ला गरेको छ।</p>
<p>नासोले असोज १ गते राष्ट्रिय विज्ञान दिवस र असोज ४ देखि १० गतेसम्म विश्व अन्तरिक्ष सप्ताहको रुपमा मनाउँदै आएको छ। <br />
प्रतियोगितामा कक्षा ६ देखि १२ सम्मका विद्यार्थी सहभागी हुन पाउने नासोद्वारा आज जारी विज्ञप्तिमा उल्लेख छ।</p>
<p>प्रतियोगितामा सहभाग हुन चाहने विद्यार्थीले असोज १ गतेसम्म नासोको वेबसाइट गएर आवेदन दर्ता गर्नु पर्ने जनाइएको छ। <br />
चौथो राष्ट्रिय अन्तरिक्ष चित्रकला प्रतियोगिताको लागि कक्षा ६ देखि ८ सम्म अध्ययनरत विद्यार्थीले आवेदन दिन सक्नेछन्।</p>
<p>प्रतियोगितामा प्रथम हुनेले टेलिस्कोप, पदक तथा प्रमाणपत्र प्राप्त गर्नेछन भने दोस्रो र तेश्रो हुनेले क्रमश: गिफ्ट ह्याम्पर, पदक तथा प्रमाणपत्र प्राप्त गर्नेछन्।</p>
<p>त्यस्तै दोश्रो राष्ट्रिय अनलाइन अन्तरिक्ष वक्तृत्वकला प्रतियोगितामा कक्षा ९ देखि १२ सम्म अध्ययनरत विद्यार्थीहरुले आवेदन दिन सक्नेछन्। प्रतियोगितामा प्रथम, दोश्रो तथा तेस्रो हुने विद्यार्थीलाई पुरस्कार स्वरुप क्रमश: १० हजार, ५ हजार र ३ हजार रुपैयाँ पदक तथा प्रमाणपत्र प्रदान गरिनेछ। </p>
<p>“यी दुवै प्रतियोगितामा सहभागी सम्पूर्ण विद्यार्थीहरुलाई प्रोत्साहन स्वरुप सहभागिताको प्रमाणपत्र प्रदान गरिनेछ,” नासोले विज्ञप्तिमा भनेको छ। <br />
</p>
प्रतिक्रिया दिनुहोस्
.jpg)
