‘डुइङ बिजनेस रिपोर्ट’ स्थगित
<p>काठमाडौं। विश्व बैंकले कारोबारी सहजताका बारेमा वार्षिक रुपमा जारी गर्दै आएको ‘डुइङ बिजनेस रिपोर्ट’ स्थगित गरेको बिहीबार बताएको छ। केही रिपोर्टमा तथ्यांक परिवर्तनका लागि भएका कतिपय अनियमितताका कारण स्थगित गरेको हो।</p>
<p>विश्व बैंकले भनेको छ, ‘‘क्रमश: अक्टोबर २०१७, १८ र १९ मा प्रकाशित डुइङ बिजेनेस रिपोर्टमा तथ्यांक परिवर्तनको सम्बन्धमा कयौं अनियमितता पत्ता लागेको छ। यस्तो परिवर्तन डुइङ बिजनेस रिपोर्टसँग मेल खाँदैन।’’</p>
<p>यस्तो परिवर्तनले जुन देश सर्वाधिक प्रभावित भएको थियो, उनीहरुका प्राधिकरणले विश्व बैंकका कार्यकारी निर्देशकको बोर्डमा यो जानकारी दिएका छन्। यसको प्रभावबारे बैंकले आकलन गरिरहेको बताएको छ।</p>
<p>‘‘यही कारण हामीले रिपोर्ट प्रकाशन स्थगित गर्ने फैसला लिएका हौं,’ विश्व बैंकले भनेको छ।</p>
<p>डुइङ बिजनेस इन्डेक्समा नेपाल ९४औं स्थानमा छ। छिमेकी भारतले यसमा निकै सुधार गरेको देखिन्छ। त्यो छिमेकी अहिले ७९औं स्थानमा छ।</p>
प्रतिक्रिया दिनुहोस्
.jpg)
