पर्यटन बोर्डका प्रमुख कार्यकारी अधिकृत रेग्मीको भनाइप्रति टानको आपत्ति
<p>काठमाडौं। नेपाल पर्यटन बोर्डका प्रमुख कार्यकारी अधिकृत डा. धनञ्जय रेग्मीको भनाइप्रति पर्यटन व्यवसायले आपत्ति जनाएका छन्।</p>
<p>शुक्रबार बीबीसी नेपाली सेवाको एक कार्यक्रममा प्रमुख कार्यकारी अधिकृत रेग्मीले पर्वतीय पर्यटन र यससँग आवद्ध पदयात्रा तथा हिमाल आरोहणसम्बन्धी व्यवसाय तथा पर्यटन मजदुरहरूलाई अपमानित गर्ने गरी अभिव्यक्ति दिएको भन्दै व्यवसायीले आपत्ति जनाएका हुन्।</p>
<p>‘‘झोलामा कम्पनी बोक्ने, एकाघरकाले कम्पनी चलाएर रोजगारी सिर्जना नगर्ने, कर नतिर्ने र राज्यलाई अत्यन्त नगन्यमात्र योगदान दिएको क्षेत्र रहेको भन्ने शब्द अभिव्यक्तिले यस क्षेत्रमा आवद्ध व्यवसायी र पर्यटन मजदुरलाई अविश्वसनीय तरिकाले हेर्ने, एकदमै तल्लो स्तरको भाषा प्रयोग गर्ने, हेप्ने तथा होच्याउने भाषा, प्रस्तुति र शैलीप्रति भत्र्सना व्यक्त गर्दछ,’’ पर्यटन व्यवसायीहरूको संगठन ट्रेकिङ एजेन्सिज एसोसिएसन अफ नेपाल (टान)ले आज जारी गरेको विज्ञप्तिमा उल्लेख छ।</p>
<p>कोभिड–१९ का कारण तहसनहस बनेको पर्यटन क्षेत्रलाई प्राथमिकतामा राखेर राहत तथा पुनःस्थापनाको कार्यक्रम ल्याउनुपर्ने जिम्मेवार निकायका अधिकारीलेबाटै यस्तो अभिव्यक्ति आउनु दुःखद् भएको टानले जनाएको छ।</p>
<p>साथै, प्रमुख कार्यकारी अधिकृत रेग्मीले उक्त अभिव्यक्तिको सार्वजनिक रूपमा माफी माग्नुपर्ने माग टानले गरेको छ। पर्यटन व्यवसायी र मजदुरलाई अपमानित गर्ने उक्त अभिव्यक्ति नसच्च्याए कठोर विकल्प सोच्न बाध्य हुनेसमेत टानले सचेत गराएको छ।</p>
प्रतिक्रिया दिनुहोस्
.jpg)
