यस्तो छ जिओनीको सस्तो स्मार्टफोन
<p>काठमाडौं। चिनियाँ मोबाइल कम्पनी जिओनीले लामो समयपछि भारतमा स्मार्टफोन बिक्री सुरु गरेको छ।</p>
<p>कम्पनीले सस्तो मूल्यको स्मार्टफोन जिओनी म्याक्ससँगै फेरि भारतीय बजारमा पुनरागमन गरेको छ। कम्पनीले जिओनी म्याक्सलाई विशेष प्रकारका स्मार्टफोन मनपराउने प्रयोगकर्तालाई लक्षित गर्दै डिजाइन गरेको छ।</p>
<p>भारतीय बजारमा उपलब्ध भएको स्मार्टफोनको मूल्य ५ हजार ९९९ भारतीय रुपैयाँ छ। यो फोन कालो, रातो र निलो कलर भेरियन्टमा बजारमा उपलब्ध छ। यस फोनमा शक्तिशाली ब्याट्री र ठूलो डिस्प्ले रहेको कम्पनीको भनाई छ।</p>
<p>फोनमा ६.१ इञ्चका एचडी प्लस डिस्प्ले छ। यसमा २.५डी कबर ग्लास छ। यस्तै, यो फोनमा ५००० एमएएच ब्याट्री छ भने ब्याट्री ब्याकप उत्कृष्ट रहेको कम्पनीको भनाई छ।</p>
<p>त्यस्तै, यो फोनमा १३ मेगापिक्सेल क्यामेरा उपलब्ध छ। साथै सेल्फीको लागि बनाइएको फ्रन्ट क्यामेरामा ५ मेगापिक्सलेक क्यामेरा राखिएको छ।</p>
प्रतिक्रिया दिनुहोस्
.jpg)
