पेट्रोलको भाउ प्रतिलिटर २ रुपैयाँ बढ्यो
<p>काठमाडौं। नेपाल आयल निगमले पेट्रोलको मूल्य प्रतिलिटर २ रुपैयाँ बढाएको छ। भारतीय आयल निगमले मूल्य बढाएर पठाएपछि नेपालमा मूल्य बढेको निगमले बताएको छ।</p>
<p>निगमले मूल्य बढाएपछि काठमाडौं उपत्यकामा पेट्रोलको मूल्य प्रतिलिटर १०७ रुपैयाँ कायम भएको छ। यसअघि, उपत्यकामा पेट्रोलको मूल्य १०५ रुपैयाँ प्रतिलिटर थियो।</p>
<p>भारतीय आयल निगमले हरेक १५ दिनमा नेपाललाई पेट्रोल, डिजेल, मट्टितेल र हवाई इन्धनको मूल्यसूची पठाउँछ। सोहीअनुसार, नेपालमा हरेक १५ दिनमा पेट्रोलियम पदार्थको भाउ निर्धारण हुन्छ।</p>
<p>भारतीय आयल निगमले सेप्टेम्बर १ अर्थात आज मंगलबार नयाँ मूल्यसूचि पठाएपछि नयाँ मूल्य निर्धारण तय भएको हो।</p>
<p>पछिल्लो समय भारतमा लगातार पेट्रोलको भाउ बढीरहेको छ। भारतीय बजारमा पेट्रोलको मूल्य बढ्दा त्यसको प्रत्यक्ष असर नेपाली बजारमा पर्छ।</p>
<p>भारतमा पछिल्लो १६ दिनमा १४ पटक पेट्रोलको मूल्य बढेको भारतीय सञ्चार माध्यमहरुले बताएका छन्। तर, डिजेल, मट्टितेल, हवाई इन्धन र खाना पकाउने एल.पी ग्यासको को मूल्य भने यथावत रहेको छ।</p>
प्रतिक्रिया दिनुहोस्
.jpg)
