भारतमा लोकप्रिय गेमिङ एप 'पब्जी'सहित ११८ चिनियाँ एपमाथि प्रतिबन्ध
<p>काठमाडौं। भारतले पब्जी लगायत ११८ वटा चिनियाँ एपमाथि प्रतिबन्ध लगाएको छ। प्रतिबन्दसँगै अब भारतमा पब्जी लगायत ११८ चिनियाँ एप चलाउन सकिने छैन।</p>
<p>लद्दाखमा चीन र भारतबीच तनाव बढिरहेका बेला भारतले चिनियाँ एपमाथि प्रतिबन्धको घोषणा गरेको हो। भारतको सुरक्षा, सार्वभौकिता र अखण्डताको लागि चिनियाँ एपमाथि प्रतिबन्ध लगाइएको भारतले जनाएको छ।</p>
<p>भारतमा ३ करोड ३० लाख जना मल्टिप्लेयर भिडियो गेमिङ मोबाइल एब पब्जी खेलमा सक्रिय रहेको अनुमान छ। दैनिक एक करोड ३० लाखले भारतमा यो गेम खेल्ने गरेको एक अध्ययनले देखाएको छ।</p>
<p>भारतले यसअघि टिकटक लगायत दुई सयभन्दा बढी एपहरुमाथि प्रतिबन्द लगाएको थियो। </p>
<p>भारतको सूचना प्रविधि मन्त्रालयले सूचना प्रविधि ऐनको ‘सेक्सन ६९ए’ दिएको अधिकार प्रयोग गरी चिनियाँ एप माथि प्रतिबन्ध लगाइएको जनाएको छ।</p>
<p>भारतलाई बढी सुरक्षित बनाउन चिनियाँ एपमाथि प्रतिबन्ध लगाउनु परेको मन्त्रालयले बताएको छ।</p>
प्रतिक्रिया दिनुहोस्
.jpg)
