कोरोना बीमाको मापदण्ड संशोधन गर्न सुझाव समिति गठन
<p>काठमाडौं। बीमा समितिले ‘कोरोना बीमा मापदण्ड २०७७’ संशोधन गर्न सुझाव समिति गठन गरेको छ।</p>
<p>हाल कार्यान्वयमा रहेको मापदण्डमा निजी प्रयोगशालामा गरिएको पीसीआर परिक्षणको रिपोर्ट मान्य नहुने व्यवस्था रहेकोमा त्यसलाई संशोधन गर्न समिति गठन गरिएको हो।</p>
<p>समितिले यसअघि कोरोना बिमाको मापदण्ड बनाउँदा सरकारले निजी प्रयोगशालालाई कोरोना परिक्षणको अनुमति दिइनसकेको बताएको छ।</p>
<p>निजी प्रयोगशालाले पीसीआर परिक्षणको अनुमति पाइसकेकाले अनुमति दिनुअघि बनाइएको मापदण्ड परिवर्तन गर्न लागेको हो।<br />
कोरोना बीमाको मापदण्ड सच्याउन ५ सदस्यीय सुझाव समिति गठन गरेको कार्यकारी निर्देशक राजुरमण पौडेलले बताए।</p>
<p>पौडेललको नेतृत्वमा आज गठन भएको सुझाव समितिमा अर्थमन्त्रालय, स्वास्थ मन्त्रालय, बीमा समिति र बीमक संघका एक÷एक जना प्रतिनिधि छन्।</p>
<p>समितिले आजसम्म स्वास्थ मन्त्रालय मातहत बाहेकका प्रयोगशालाबाट प्राप्त दाबीहरुको विस्तृत छानविन गरेर तयार पार्ने सुझावका आधारमा मापण्दड संशोधन प्रक्रिया अगाडी बढ्ने छ।</p>
<p>खासगरी, यसअघिको मापदण्डमा स्वास्थ मन्त्रालय मातहतका प्रयोगशालाबाट कोरोना रिपोर्ट पोजिटिभ आएमा मात्रै दाबी भुक्तानी पाउने व्यवस्था थियो।</p>
<p>सोहीअनुसार, समितिले गत विहीबार बीमा कम्पनीहरुलाई निजी प्रयोगशालको रिपोर्टबाट कोरोना पोजिटिभ देखिए दाबी भुक्तानी नदिने पत्र लेखेको थियो।</p>
<p>समितिको उक्त पत्रपछि स्वास्थ मन्त्रालयले समेत त्यसको विरोध गर्दै आएको छ।</p>
प्रतिक्रिया दिनुहोस्
.jpg)
