दोहोरो अंकले बढ्यो सेयर बजार, २ अर्ब १७ करोडको कारोबार
<p>काठमाडौं। साताको अन्तिम दिन आज सेयर बजार नेपाल स्टक एक्सचेञ्ज (नेप्से) परिसूचक १२ दशमलव ४९ अंकले बढेको छ। मंगलबारदेखि बढ्न थालेको बजार आजसम्म लगातार तेस्रो दिन बढेको हो।</p>
<p>आज १२ अंकको सुधार आएपछि नेप्से परिसूचक १५२० अंकमा पुगेर बन्द भएको छ। दोहोरो अंकले सुधारिएको नेप्सेमा आज २ अर्ब १७ करोड रुपैयाँ बराबरको ४ लाख २६ हजार कित्ता सेयर खरिदबिक्री भएको छ।</p>
<p>नेप्सेमा प्राविधिक समस्या आएपछि दुई पटकसम्म कारोबार रोकिएको थियो। जसकारण आजका लागि कारोबार समय बढाएर ५ बजे पुर्याइएको थियो।</p>
<p>परिसूचक १२ अंकले उकालो लागेपनि आज नेप्सेमा कारोबार भएका १२ समूहमध्ये तीन समूह घटेका छन्। व्यापार, होटल र म्यूचुअल फण्ड समूहमा आज गिरावट आएको हो।</p>
<p>त्यसबाहेकका सबै समूहमा सुधार आएको भने निर्जिबन बीमा समूहको सूचक सबैभन्दा बढी ३०२ अंकले बढेको छ।</p>
<p>यस्तै, जिवन बीमा समूहको सूचक २०४ अंकले बढेको छ। यसअघि बजार मंगलबार ७ अंकले हिजो बुधबार १३ अंकले बढेको थियो।</p>
प्रतिक्रिया दिनुहोस्
.jpg)
