प्याजको कालोबजारी रोक्न वाणिज्य विभागको ‘प्याज अप्रेशन’
<p>काठमाडौं। वाणिज्य, आपूर्ति तथा उपभोक्ता संरक्षण विभागले प्याजको कालोबजारी रोक्न विशेष टोली खटाएको छ।</p>
<p>विभागका निर्देशक रविन्द्र आचार्यका अनुसार चाडपर्वको मुखमा हुने प्याजको कालोबजारी रोक्न १० सदस्यीय टोली सम्मिलित ‘प्याज अप्रेशन’ सुरु गरिएको हो।</p>
<p>“भारतले प्याजको निर्यात रोकेको छ। तर, निर्यात रोकिनुभन्दा अगाडि नै नेपालमा आइसकेको धेरै प्याज स्टक हुन सक्ने अनुमान गरिएको छ,” उनले भने।<br />
<br />
निर्यात प्रतिबन्ध हुनुअघि सस्तो मूल्यमा ल्याइएको प्याज महँगोमा बेच्न नदिन र उपभोक्ता ठगिन नदिँन ‘प्याज अप्रेशन’ चलाएको आचार्यले <em>देखापढी</em>लाई बताए।</p>
<p>विभागले हिजोदेखि नै टोलीलाई बजारमा खटाइसकेको छ। हिजो गरिएको अनुगमनका क्रममा ३ वटा आयातकर्ता र ३ वटा थोक व्यापारी गरी ६ वटा फार्ममा अनुगमन गरेको थियो।</p>
<p>त्यसक्रममा उनीहरुलाई वाणिज्य विभागमा उपस्थित हुन भनिएको छ। यस्तै, टोलीले आज पनि बजार अनुगमन गर्दै छ।</p>
<p>भदौ २९ गते भारतले प्याजको निकासी रोकेपछि बजारमा प्याजको अभाव सुरु भइसकेको छ। यस्तै, व्यापारीहरुले प्याजको मूल्य अनियन्त्रत रुपमा बढाइरहेका छन्।</p>
प्रतिक्रिया दिनुहोस्
.jpg)
