पाँच अंकले बढेको सेयर बजारमा सवा दुई करोडको कारोबार
<p>काठमाडौं। आज बुधबार सेयर बजार नेप्से परिसूचक ५ दशमलव ३६ अंकको सुधार आएको छ। कारोबार सुरु भएदेखि बढ्न थालेको नेप्से परिसूचक १५४१ दशमलव ४० अंकमा पुगेर बन्द भएको छ।</p>
<p>सामान्य अंकले सुधारिएको सेयर बजारमा आज ६३ लाख ९० हजार कित्ता सेयर खरिद बिक्री भएको छ। यसक्रममा १ अर्ब ८४ करोड रुपैयाँको कारोबार भएको छ।</p>
<p>आज नेप्से परिसूचकमा सबैजसो समूहमा सुधार आएको छ। तर, कारोबार भएका १२ समूहमध्ये बैंक समूह ४ दशमलव ५८ अंकले घटेको छ।</p>
<p>बैंकबाहेक होटल र जीवन बीमा समूह सबैभन्दा बढी बढेको छ। होटल समूह सबैभन्दा बढी १४२, जीवन बीमा ७२, जलविद्युत ५४ अंकले सुधार भएको छ।</p>
<p>परिसूचक सामान्य अंकले सुधार आएको दिन आज सिनर्जी पावर डेभलपमेन्टका लगानीकर्ताले सबैभन्दा धेरै कमाएका छन्।<br />
सिनर्जीको सेयर आज १५ अंकले उचालिएको छ।</p>
प्रतिक्रिया दिनुहोस्
.jpg)
