होटल र हाइड्रोमा लगानीकर्ता झुम्मिदा शेयर बजारमा उछाल, ३० अंकले बढ्यो बजार
<p>काठमाडौ। होटल र हाइड्रो कम्पनीका शेयरका लगानीकर्ताले लगानी बढाएपछि आज शेयर बजार ३०.७८ अंकले बढेर १५७२.१८ विन्दूमा पुगेको छ।</p>
<p>कोरोना महामारी शुरू भएयता शेयर बजार सबैभन्दा बढी बढेको आज हो। लगानीकर्ताले अन्यत्र लगानी गर्न नपाएपछि शेयरमा पैसा लगाउँदा कोरोना महामारीको कहरमा परेको शेयर बजार एकाएक उकाशिएको छ।</p>
<p>आज विहान १५५५.८६ विन्दुबाट कारोबार सुरु भएको शेयर बजारमा सुचक १५ मिनेटमै घटेर १५ सय ४७ विन्दुमा ओर्लिएको थियो तर, केहीबेरमा होटल, जलविद्युत, बैंक, विकास बैंक र फाइनान्सको सुचक बढ्दै गएपछि सेयर बजारमा त्यसको सकारात्मक प्रभाव देखिन थालेको थियो।</p>
<p>आज कारोबार भएका कम्पनीमध्ये १४१ कम्पनीको सेयर मुल्य बढेको छ भने २४ कम्पनीको मात्र घटेको छ। आजको कारोबारमा पाँच कम्पनीको सेयर मुल्य स्थिर रहेको छ भने कारोबारमा चार कम्पनीको सेयर मुल्य १० प्रतिशतले बढेको छ।</p>
<p>हिमाल दोलखा हाइडोपावर, रिलायन्स लाइफ इन्स्योरेन्स, तारागाँउ रिजेन्सी होटल तथा सोल्टी होटलको सेयर मुल्य १० प्रतिशत बढेको छ। आजको कारोबारमा धेरैजसो जलविद्युत र होटल कम्पनीको सेयर मुल्य बढेको छ। लघुवित्त र बीमामा भने लगानीकर्ताहरुको आकर्षण कम देखिन्छ।</p>
<p>आज शेयर बजारमा १ करोड १८ लाख ३ सय ४ कित्ता सेयरको ३ अर्ब ३१ करोड ५६ लाख बराबरको सेयर कारोबार भएको छ। हिजोको तुलनामा कारोबार रकम दोब्बरले बढेको छ। बुधबार १ अर्व ८४ करोड ५६ लाख बराबरको सेयर कारोबार भएको थियो।</p>
<p>नेपाल पुनर्बीमा कम्पनीको सबैभन्दा बढी १३ करोड २३ लाखको सेयर कारोबार भएको छ भने नेपाल बैंकको १२ करोड १८ लाख २१ हजारको सेयर कारोबार भएको छ।</p>
<p><img alt="No description available." height="896" src="https://scontent.fktm3-1.fna.fbcdn.net/v/t1.15752-9/119553334_916201202120791_6070591777594447103_n.png?_nc_cat=111&_nc_sid=ae9488&_nc_ohc=llCs4x0lb2gAX_8V2yO&_nc_ht=scontent.fktm3-1.fna&oh=5b50ccdf26b1af8c8fa18cf7e26772d0&oe=5F89DC2E" width="800" /></p>
प्रतिक्रिया दिनुहोस्
.jpg)
