बढी मूल्यमा प्याज बेच्ने उपत्यकाका ६ वटा पसलबाट साढे ९ लाख जरिवाना उठाइयो
<p>काठमाडौं। वाणिज्य आपूर्ति तथा उपभोक्ता संरक्षण विभागले बढी मूल्यमा प्याज बेच्ने उपत्यकाका ६ वटा पसललाई कारबाही गरेको छ।</p>
<p>आज विभागले ती ६ वटा पसलबाट ९ लाख ६५ हजार जरिवाना गरेको छ। विभागका निर्देशक रविन्द्र आचार्यले बढी मूल्यमा प्याज बिक्री गरेको पाइएपछि उनीहरुलाई कारबारही स्वरुप जरिवना गरिएको हो।</p>
<p>“बजारमा प्याजको कृत्रिम अभाव सृजना गरेर मूल्यवृद्धि गरेको जानकारी आएपछि हामीले अनुगमन गरेका हौं। त्यसक्रममा बढी मूल्य लिएको पाइयो,” उनले भने।</p>
<p>बढी मूल्यमा प्याज बिक्री गर्ने उलक सब्जी भण्डारलाई, विजेश गौतम पसललाई र दुलाल आलु भण्डारलाई ५५ हजार रुपैयाँ जरिवाना गरिएको छ।</p>
<p>यस्तै, रजन आलु भण्डार र पशुपति आलु प्याज स्टोरलाई २ लाख ५० हजार तथा न्यू सापकोटा स्टोरलाई २ लाख ५५ हजार जरिवाना गरिएको विभागले जानकारी दिएको छ।</p>
<p>खासगरी भारतले प्याजको निर्यात प्रतिबन्ध लगाएपछि बजारमा प्याजको भाउ अचाक्लि बढेको छ। सोहीकारण बजार अनुगमनमा निस्किएको विभागले मूल्य बढाएर प्याज बेच्ने ६ पसललाई कारबाही गरेको हो।</p>
<p>यसबाहेक आज आरके ट्रेडर्सलाई ३ लाख र माता सरस्वती खानेपानी उद्योगलाई लाई २ लाख ५० हजार जरिवाना गरिएको छ।</p>
<p>प्याज बिक्रेता र आरके ट्रेडर्स तथा सरस्वती माता खानेपानी उद्योगलाई गरेको जरिवाना रकम जोड्दा कुल १४ लाख ७० हजार रुपैयाँ जरिवाना हुने विभागका निर्देशक आचार्यले बताए।</p>
<p>“हामीले राजश्व उठाउनकै लागि बजार अनुगमन गरेका हैनौं। तर, अनुगमनका क्रममा ठगि गरिएको पाइएपछि राजश्व उठाइएको हो,” उनले भने।</p>
प्रतिक्रिया दिनुहोस्
.jpg)
