२२ अंकले घटेको सेयर बजारमा दुई अर्ब बढीको कारोबार
<p>काठमाडौं। आइतबार सामान्य अंकले सुधार आएको नेपाल स्टक एक्सचेञ्ज (नेप्से) परिसूचक त्यसयता लगातार दोस्रो दिन घटेको छ। हिजो सोमबार सोमबार ६ अंकले घटेको सेयर बजार आज २२.९१ अंकले घटेको छ।</p>
<p>कारोबार भएका १२ समूहमध्ये सबै समूहमा गिरावट आउँदा नेप्सेमा दोहोरो अंकको पहिरो गएको हो। कारोबार सुरु भएदेखि नै ओरालो लाग्न थालेको बजार १ हजार ५४६ अंकमा आएर रोकियो।</p>
<p>बजार परिसूचक ठूलो अंकले घटेपनि २ अर्ब ८१ करोड रुपैया बराबरको ७८ लाख ५० हजार कित्ता सेयर किनबेच भएको छ।</p>
<p>साताको तेस्रो दिन आज नेप्सेमा कारोबार भएका १२ वटै समूह घटेको छ। त्यसमध्ये सबैभन्दा बढी निर्जीवन बीमा समूह ११२ अंकले घटेको छ।</p>
<p>यस्तै, जीवन बीमा समूह १०९, उत्पादनमूलक समूह ३५ तथा बैंक समूह २२ अंकले घटेको छ।</p>
<p>सेयर बजारमा गिरावट आएपनि युनाइटेड फाइनान्सको सेयर मूल्य भने बढेको छ। सोमबार पनि बढेको कम्पनीको सेयर मूल्य प्रतिकित्ता १५ रुपैयाँले बढेको छ।<br />
</p>
प्रतिक्रिया दिनुहोस्
.jpg)
