सेयर बजारमा ९ अंकको सुधार, कारोबार घट्यो
<p>काठमाडौं। मंगलाबर २२ अंकले घटेको नेपाल स्टक एक्सचेञ्ज (नेप्से) परिसूचक आज बुधबार सुधारिएको छ। कारोबार सुरु भएदेखि बढ्न सुरु गरेर दिउँसो केही घटबढ भए पनि बन्द हुँदा ९.३७ अंकले बढेको हो।</p>
<p>होटल समूहबाहेक सबै समूहमा सुधार आउँदा आज नेप्से परिसूचक बजार १ हजार ५५५ अंकमा पुगेर रोकिएको छ।</p>
<p>यसक्रममा नेप्सेमा १ अर्ब ७२ करोड कारोबार भई ५८ लाख ६२ हजार कित्ता सेयर किनबेच भएको छ। आजको कारोबार रकम हिजोकोभन्दा कम हो।</p>
<p>हिजो २२ अंकले घटेको नेप्सेमा २ अर्ब ८१ करोड रुपैयाँ बराबरको कारोबार भएको थियो। आज होटल समूह २३.६४ अंकले घटेको छ। यसबाहेक सबैसमूहमा सुधार देखिएको छ।</p>
<p>आज सबैभन्दा बढी जीवन बीमा समूह ९४ अंक तथा निर्जीवन बीमा समूह ७४ अंकले बढेको छ।</p>
प्रतिक्रिया दिनुहोस्
.jpg)
