प्रभु बैंक र आइडिया स्टुडियोको ५ प्रतिशत ब्याजदरमा ‘सहयात्रा समृद्धिको’ कर्जा योजना
<p>काठमाडौं। प्रभु बैंक र आइडिया स्टुडियो नेपालले संयुक्त रूपमा ‘सहयात्रा समृद्धिको’ कर्जा योजना सुरु गरेका छन्। कम्पनीहरुले टेम्पो चालक महिला र शिक्षकहरुलाई लक्षित गर्दै ५ प्रतिशत ब्याजदरमै कर्जा योजना ल्याएका हुन्।</p>
<p>टेम्पो चालक महिला र शिक्षकहरुलाई कोभिड-१९ का कारणले परेको आर्थिक समस्या व्यवस्थान गर्न सस्तो ब्याजदरमै कर्जा योजना ल्याइएको स्टुडियोले बताएको छ।</p>
<p>उक्त कर्जा योजनाले महामारीको कारण समस्यामा परेका उनीहरुको व्यवसायलाई पुन सुचारु गर्न सहयोग समेत पुर्‍याउने बताइएको छ।</p>
<p>विश्वव्यापी रुपमा फैलिएको कोरोना भाइरसको महामारीले संसारभरी स्वास्थमा आपतकालिन स्थिति र आर्थिक मन्त्री निम्त्याएको छ।<br />
जसकारण, चैतदेखि उपत्यकामा सार्वजनिक यातायात सञ्चालन भएका छैनन्। यही क्रममा सफा टेम्पो पनि सञ्चालन हुन सकेका छैनन्।</p>
<p>त्यसैगरी, विगत माघदेखि बन्द भएका शिक्षण संस्थाहरु अहिलेसम्म खुल्न सकेका छैनन्। फलस्वरुप: शिक्षण पेसामा आबद्ध शिक्षकहरु आर्थिक संकट झेल्दै छन्।</p>
<p>बैंकका प्रमुख कार्यकारी अधिकृत अशोक शेरचनले महिला चालक र शिक्षकहरुको यही आर्थिक संकटलाई ध्यानमा राखेर आइडिया स्टुडियोसँग मिलेर न्यून ब्याजदरमा कर्जा प्रदान गर्ने बताए।</p>
<p>यस्तै, आइडिया स्टुडियोका संस्थापक डा. छिरिङ लामाले सहयात्रा समृद्धिको कर्जा योजना आर्थिक पुनस्थापनाका लागि ल्याइएको बताए।</p>
<p>उनले भने, “यो योजनाले ग्राहकहरुले कर्जा सँगसँगै वित्तीय साक्षरता, व्यवस्थापन र अनुशासनको र सीपहरु सिक्न केन्द्रीत गरिएको छ।”</p>
<p>नेपाल परिवहन संघका अनुसार काठमाडौं उपत्यकामा झण्डै २०० जनाभन्दा बढी महिला टेम्पो चालक छन्।</p>
प्रतिक्रिया दिनुहोस्
.jpg)
