तीन लघुवित्त मर्जरमा जाने सहमति, एकीकृत संस्थाको चुक्ता पूँजी ३५ करोड पुग्ने
<p>काठमाडौं। तीन वटा लघुवित्त वित्तीय संस्थामा एक आपसमा मर्जरमा जाने सहमति गरेका छन्।</p>
<p>काभ्रेमा केन्द्रिय कार्यालय रहेको आरम्भ चौतारी लघुवित्त वित्तीय संस्था, बागलुङमा केन्द्रिय कार्यालय रहेको सिवाईसी नेपाल लघुवित्त वित्तीय संस्था र म्याग्दीमा केन्द्रिय कार्यालय रहेको शालीग्राम लघुवित्त वित्तीय संस्था मर्जरमा जाने आपसी सम्झौतामा गरेका हुन्। </p>
<p>उक्त समझदारी पत्रमा आरम्भ चौतारी लघुवित्तका अध्यक्ष जगतवहादुर पोखरेल, सिवाईसी नेपाल लघुवित्तका अध्यक्ष पद्मनाथ शर्मा र शालीग्राम लघुवित्तका अध्यक्ष कृष्णबहादुर थापाले शुक्रबार बागलुङ बजारमा हस्ताक्षर गरेका हुन्।</p>
<p>हाल आरम्भ चौतारी र सिवाईसी नेपालको राष्ट्रिय स्तरको कार्यक्षेत्र छ भने शालीग्रामको गण्डकी प्रदेशका ११ जिल्लामा कार्यक्षेत्र रहेको छ। मर्जर पश्चात एकीकृत संस्थाको चुक्ता पूँजी ३५ करोड २ लाख ६५ हजार हुनेछ।</p>
<p>आरम्भ चौतारीले सर्वसाधारणका लागि आईपीओ निश्कासन गरिसकेको छ भने सिवाईसी नेपाल र शालिग्रामको सर्वसाधारणका लागि छुट्टाएको शेयर रकम एफपीओको मार्फत् पुर्‍याउने बताइएको छ।</p>
प्रतिक्रिया दिनुहोस्
.jpg)
