ब्रोइलर कुखुराको चल्लालाई लोकलभन्दै बिक्री गर्ने गिरोह पक्राउ, रंग लगाइएका २८ लाख रुपैयाँ बराबरका चल्ला बरामद
<p>काठमाडौं। ब्रोइलर कुखुराको चल्लालाई लोकल कुखुराको चल्लाभन्दै बिक्री गर्ने ४ जना काठमाडौंबाट पक्राउ परेका छन्। आज महानगरीय प्रहरी वृत्ति, कालिमाटीबाट खटिएको टोलीले तीन महिलासहित एक पुरुषलाई पक्राउ गरेको हो।</p>
<p>उनीहरुले चितवनबाट ल्याइएका ब्रोइलर कुखुरामा रंग लगाएर लोकल कुखुराको चल्ला भन्दै बिक्री गर्दै आएका पाइएका थिए। उनीहरुको साथबाट २८ हजार ६०० वटा कुखुराका चल्ला समेत बरामद गरिएको छ।</p>
<p>अभिनास ह्याचरी र मोर्डन ह्याचरीबाट उपत्यका ल्याइएका चल्लालाई रंग लगाएपछि प्रतिगोटा ८० देखि १०० रुपैयाँसम्ममा बिक्री गर्दै आएका थिए।</p>
<p>पक्राउ परेका कुखुराको चल्लाको मूल्य प्रतिगोटा १०० का दरले हिसाब गर्दा कुल २८ लाख ६० हजार रुपैयाँ पर्न आउँछ।</p>
<p>पक्राउ पर्नेमा चन्दा शाह, प्रेमसिलादेवी जैसवाल, सुनिता जैसवाल र वकिल खान पक्राउ परेका हुन्। विषेश सुचनाका आधारमा उनीहरुलाई पक्राउ गरिएको कालिमाटीका प्रहरी प्रवक्ता सोमेन्द्रसिंह ठाकुरले बताए।</p>
प्रतिक्रिया दिनुहोस्
.jpg)
