सिटिजन्स लाइफ इन्स्योरेन्सको बिक्री प्रबन्धकमा एनआईबीएल एस क्यापिटल
<p>काठमाडौं। सिटिजन्स लाइफ इन्स्योरेन्स कम्पनीले आईपीओ निष्कासनको लािग एनआईबीएल एस क्यापिटललाई बिक्री प्रबन्धक नियुक्त गरेको छ।</p>
<p>आईपीओ निष्कासन सम्झौतापत्रमा कम्पनीको प्रमुख कार्यकारी अधिकृत पोषकराज पौडेल र एनआईबीएल एस क्यापिटलको तर्फबाट नायब कार्यकारी अधिकृत मेखबहादुर थापाले हस्ताक्षर गरेका छन्।</p>
<p>सिटिजन्स लाइफ इन्स्योरेन्सले ७५ करोड बराबरको ७५ लाख कित्ता आईपीओ निष्कासन गर्ने तयारी गरेको छ। कम्पनीको चुक्तापूँजी एक अर्ब ७५ करोड रुपैयाँ छ।</p>
<p>७५ करोडको आईपीओ पश्चात कम्पनीको चुक्ता पूँजी २ अर्ब ५० करोड पुग्नेछ। नयाँ खुलेका जीवन बीमा कम्पनीहरू मध्ये अहिलेसम्म रिलायन्स लाइफ इन्स्योरेन्सले मात्र आईपीओ निष्कासन गरेको छ। दोस्रोमा सिटिजन्स लाइफ इन्स्योरेन्सले आइपिओ जारी गर्ने प्रक्रिया अगाडि बढाएको हो।</p>
<p>कम्पनीले आईपीओ निष्कासनका लागि नेपाल धितोपत्र बोर्डमा निवेदन दिनुपर्छ। बोर्डले स्वीकृत गरेपछि मात्रै सिटिजन्स लाइफ इन्स्योरेन्सले कम्पनीले आईपीओ निष्कासन गर्न पाउँछ।</p>
प्रतिक्रिया दिनुहोस्
.jpg)
