२०२० को थर्ड क्वार्टरमा टेस्लाको कीर्तिमान, करिब एक लाख ४० हजार कार उत्पादन
<p>काठमाडाैं। टेस्लाले २०२० को थर्ड क्‍वार्टर (जुलाई/अगस्ट/सेप्टेम्बर)मा कीर्तिमानी एक लाख ३९ हजार ३०० कार उत्पादन गरेको छ।</p>
<p>डेलिभरीमा कुनै पनि समस्या नआओस् भनेर तयारी हुन बाँकी रहेका अन्य कारको उत्पादन थर्ड क्‍वार्टरमा रोकिएको पनि टेस्लाले जानकारी दिएको छ।</p>
<p>कम्पनीले शुक्रबार एक जारी गरेको विज्ञप्तिअनुसार कुल एक लाख ४५ हजार ३६ कार उत्पादन भएका छन्। जसमध्ये एक लाख २८ हजार ४४ वटा मोडेल-३ र मोडेल वाई कार छन्। जसमध्ये एक लाख २४ हजार १०० कार डेलिभरी पनि गरिसकिएको टेस्लाले जानकारी दिएको छ।</p>
<p>त्यस्तै मोडेल-एस र मोडेल-एक्सका १६ हजार ९९२ वटा कार उत्पादन गरेको र तीमध्ये १५ हजार २०० वटा डेलिभरी भइसकेको छ। </p>
<p>कम्पनीले यसअघि २०१९ को फोर्थ क्‍वार्टरमा एक लाख १२ हजार कार निर्माण गरेर कीर्तिमान बनाएको थियो।</p>
<p>टेस्लाका प्रमुख कार्यकारी अधिकृत एलोन मस्कले सेप्टेम्बरमा आएको यो नतिजाले सबै कर्मचारीलाई अझ उत्कृष्ट नतिजाका लागि प्रेरित गरेको बताएका छन्। टेस्लाले थर्ड क्‍वार्टरमा भएको व्यापारिक नाफा अक्टोबर महिनाभित्रै सार्वजनिक गर्नेछ। <em>एजेन्सी</em></p>
प्रतिक्रिया दिनुहोस्
.jpg)
