शून्य प्रतिशत डाउन पेमेन्टमा ‘अब बन्छ हजुरको घर’ अफर
<p>काठमाडौं। मेरोघर र एनएमबी बैंकले संयुक्त रूपमा ‘अब बन्छ हजुरको घर’ अफर शुरू गरेका छन्। </p>
<p>ग्राहकलाई आवासीय घर बनाउन सहज सेवा र वित्तीय सुविधा दिन यस्तो योजना नेपालमै पहिलो पटक शुरू गरिएको हो। </p>
<p>योजनाअन्तर्गत, जग्गाधनीहरूले घर बनाउन एनएमबी बैंकबाट सहज ब्याजदरमा कर्जा लिएर २५ वर्षसम्मको अवधिमा भुक्तानी गर्न सक्नेछन् भने मेरोघरले ग्राहकको इच्छाअनुसार घरको डिजाइन देखि पूर्ण निर्माणसम्मको सेवा प्रदान गर्नेछ। </p>
<p>घरको पूर्ण निर्माण सम्पन्न नभएसम्म वा १२ महीना अवधिसम्म किस्ता भुक्तानी गर्न नपर्ने तथा घर निर्माणका लागि शतप्रतिशतसम्म कर्जा सुविधा उपलब्ध हुनेछ। यसका लागि मेरोघर र एनएमबी बैंकको सहकार्यमा सरल र सहज ऋण प्रशोधन प्रणालीको प्रबन्धन गरिएको बताइएको छ।</p>
<p>ग्राहकलाई आफ्नो घर निर्माणका लागि आर्थिक सहजता दिने मात्र नभई डिजाइन तथा निर्माणको समेत सेवा दिन यो योजना अघि सारिएको दुवै कम्पनीले जनाएका छन्। </p>
प्रतिक्रिया दिनुहोस्
.jpg)
