तातोपानी नाकाबाट सामान भित्रियाे
<p style="text-align: justify;">सिन्धुपाल्चोक। चीनसँग जोडिएको तातोपानी नाका आजबाट पुनः सञ्चालनमा आएको छ।</p>
<p style="text-align: justify;">नाकाबाट आज एक कन्टेनर सामान भित्रिएको भन्सार कार्यालयले जनाएको छ। गत असोज ११ देखि बन्द नाकाबाट बिहीबार एक कन्टेनर स्याउ भित्रिएको हो।</p>
<p style="text-align: justify;">शुक्रबारबाट कम्तीमा सातवटा चिनियाँ कन्टेनरले हरेक दिन सामान ल्याएर नेपाली यार्डसम्म उपलब्ध गराउने भन्सार कार्यालयले जनाएको छ।<br />
<br />
सिन्धुपाल्चोकका प्रमुख जिल्ला अधिकारी उमेशकुमार ढकालले नाकाबाट सामग्री आयात सुरु भइसकेको र सडक विभागले सडक मर्मत तत्काल सुरु गर्ने बताए।</p>
<p style="text-align: justify;">कोभिड-१९ को सङ्क्रमण र वर्षायामका कारण सो नाका अवरुद्ध हुँदै आएको थियो। <em>रासस</em></p>
.jpg)
