सुदूरपश्चिम महोत्सवको १४औं सस्करण हुँदै
<p>कैलाली। सुदूरपश्चिम महोत्सवको १४औं संस्करणको आयोजना हुने भएको छ। </p>
<p>कैलाली उद्योग वाणिज्य संघले आयोजना गर्ने महोत्सवबारे आज आयोजित पत्रकार सम्मेलनमा जानकारी दियो।</p>
<p>‘समृद्ध सुदूरपश्चिमका लागिः आर्थिक समृद्धि’ भन्ने मुल नाराका साथ कैलाली उद्योग वाणिज्य संघले २०६३ सालदेखि हरेक वर्ष महोत्सव आयोजना गर्दै आइरहेको छ।</p>
<p>२२ मंसीरबाट शुरू भई २ पुसमा सम्पन्न हुने महोत्सवको तयारी तीव्र पारिएको कैलाली उद्योग वाणिज्य संघका अध्यक्ष पुष्पराज कुँवरले जानकारी दिए।</p>
<p>महोत्सवमा स्थानीय कला, संस्कृती तथा खानाका परिकारहरूका साथै स्थानीय उत्पादनलाई प्राथमिकतामा राखिएको कुँवरले जानकारी दिए।</p>
<p>मेलाका लागि विभिन्न उपसमितिहरू समेत गठन गरिएको पत्रकार सम्मेलनमा जानकारी गराइएको थियो।<br />
</p>
प्रतिक्रिया दिनुहोस्
.jpg)
