१७ कराेड लागतमा कालाेपत्रे भयाे भोजपुर-टक्सार विमानस्थल सडक, मुख्यमन्त्रीले गरे उद्घाटन
<p>भोजपुर। प्रदेश १ का मुख्यमन्त्री शेरधन राईले भोजपुर सदरमुकामदेखि टक्सार विमानस्थलसम्मको कालोपत्र सडकको आज उद्घाटन गरेका छन्। </p>
<p>जिल्लामा पहिलो पटक आस्पाल्ड प्रविधिबाट पूर्वाधार विकास कार्यालय भोजपुरको १६ करोड ९२ लाख लागतमा सो सडक कालोपत्र गरिएको हो। </p>
<p>रायामाझी–जगदम्बा–मार्सेली जेभिले निर्माण गरेको यो सडकको लम्बाइ पाँच किलोमिटर रहेको छ । कालोपत्रको मोटाइ चार सेन्टिमिटर भएको जनाइएको छ।</p>
<p>मुख्यमन्त्री राईले २०७६ वैशाख ७ गते उक्त सडकको शिलान्यास गरेका थिए।</p>
<p>मुख्यमन्त्री राईले प्रदेश सरकारको पाँच करोड दुई लाख ६८ हजार लागतमा निर्माण हुने भोजपुर सभाहल, तीन करोड लागतमा बन्न लागेको यलम्बर सभाहल र खानेपानी तथा सरसफाइ डिभिजन कार्यालयको उद्घाटन समेत गरेका छन्। यस कार्यालयले भोजपुर र संखुवासभालाई सेवा दिने बताइएको छ। रासस </p>
प्रतिक्रिया दिनुहोस्
.jpg)
