नेप्से परिसूचक १७ सय नाघ्यो
<p>काठमाडौं। सेयर बजारमा आज पनि हरियाली छाएको छ।</p>
<p>सेयर बजारमा हिजो देखिएको सुधार आज पनि कायम रहेर सेयर कारोबार मापक नेप्से परिसूचक २८.२९ अंकले बढेर १७ सय सात दशमलव ६७ अंक पुगेको छ।</p>
<p>मंगलबार करिब २६ अंकले शेयर बजार उकालो लागेको थियो। </p>
<p>त्यसैगरी, ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स १.५८ प्रतिशतले बढेको छ।</p>
<p>दिनभर भएका ३६ हजार ८ सय ९३ कारोबारबाट १९५ कम्पनीका १ करोड २५ लाख २३ हजार ६ सय ५१ कित्ता सेयर किनबेच भएका हुँदा एक अर्ब नौ करोड ९६ लाख ४ हजार ७ सय ४२ रुपैयाँको कारोबार भएको छ।</p>
<p>नेप्सेमा कारोबार हुने उपसमूहहरु मध्ये फाइनान्स भने २ अंकले घटेको छ। यस बाहेक सबै उपसमूहहरुमा हरियाली छाएको छ। </p>
<p>आज नेपाल टेलिकमको सबैभन्दा धेरै २५ करोड ९० लाख रुपैयाँको शेयर कारोबार भएको छ।</p>
<p>यसैगरी, हिमालयन डिष्टिलरी १८ करोड ८६ लाख, एनआईसी एशिया बैंकको १५ करोड ६५ लाख, नागरिक लगानी कोषको १५ करोड ४५ लाख, नेपाल लाइफको १५ करोड १५ लाख, र नेपाल रि इन्सयोरेन्सको १५ करोड १० लाखको कारोबार भएको छ।</p>
<p>शिवम् सिमेन्ट, अपि पावर, शिखर इन्स्योरेन्स, र सूर्या लाइफ सबैभन्दा धेरै काराेबार हुने मध्येमा परेका छन्।</p>
प्रतिक्रिया दिनुहोस्
.jpg)
