सरकारको सुपथ मूल्य पसल माघी पर्वसम्म
<p style="text-align: justify;">काठमाडौं। दसैं, तिहार र छठ पर्वलाई लक्षित गरेर सरकारले सञ्चालनमा ल्याएको सुपथ मूल्य पसल माघी पर्वसम्म सञ्चालनमा आउने भएको छ।</p>
<p style="text-align: justify;">नेपाल खाद्य व्यवस्था तथा व्यापार कम्पनीले सुपथ मूल्य पसललाई माघी पर्वसम्म निरन्तरता दिने भएको हो।</p>
<p style="text-align: justify;">कम्पनीकी प्रवक्ता शर्मिला न्यौपाने सुवेदीले जानकारी दिएअनुसार दसैंदेखि छठसम्मका लागि भनेर सञ्चालनमा ल्याइएका सबै पसल माघीसम्म खुल्ने भएका हुन्।</p>
<p style="text-align: justify;">यसअघि कम्पनीले चाडपर्व लक्षित गरेर देशभर २९ वटा सुपथ मूल्य पसल सञ्चालनमा ल्याएको थियो।</p>
<p style="text-align: justify;">हालसम्म कम्पनीले सुपथ मूल्य पसलबाट १० हजार २७ मेट्रिक टन सामान बेचिसकेको जनाएको छ।</p>
<p style="text-align: justify;">जसमध्ये सबैभन्दा धेरै करिब नौ हजार मेट्रिक टन चामल र बाँकी दाल, गेडागुडी लगायतका वस्तु रहेको बताइएको छ।</p>
.jpg)
