चार महिनामै भित्रियो १० करोडको तास
<p>काठमाडौं। दसैँ, तिहार र छठ पर्वका लागि १० करोड ११ लाख रूपैयाँको तास भित्रिएको तथ्यांक सार्वजनिक भएकाे छ।</p>
<p>भन्सार विभागले सार्वजनिक गरेको तथ्यांकअनुसार चार महिनामा अन्य मुलुकबाट नेपालतर्फ उक्त परिमाणको तास भित्रिएको हो।</p>
<p>यस अवधिमा आठ करोड ९९ लाखको ४२ लाख ७० पिस र एक करोड १२ लाखको पाँच लाख १२ प्याकेट तास भित्रिएको हो।</p>
<p>सबैभन्दा बढी चीनबाट ९ करोडको, जर्जियाबाट २६ लाखको, अमेरिकाबाट २९ लाखको र ब्राजिलबाट चार लाखको तास भित्रिएको हो।</p>
<p>गत वर्ष २०७६/७७ मा पनि नेपालमा सोही परिमाणको तास भित्रिएको थियो।</p>
<p>साउनदेखि कात्तिकसम्मको अवधिमा नेपालमा १० करोड ५ लाख रूपैयाँको ६६ लाख ९६ हजार प्याकेट तास आयात भएको थियो।</p>
<p>यस वर्षजस्तै अघिल्लो वर्षमा पनि सबैभन्दा धेरै तास चीनबाटै भित्रिएको थियो।</p>
<p>चीनबाट मात्रै ९ करोड ९० लाख रूपैयाँको तास भित्रिँदा भारतबाट ८१ लाख र अमेरिकाबाट १४ लाखको तास भित्रिएको थियो।</p>
<p>तथ्यांकअनुसार नेपालमा सबैभन्दा बढी चिनियाँ तास भित्रिँदै आएको छ।</p>
<p>आयात हुने कुल तासको ९० प्रतिशत तास चीनबाटै भित्रिएको देखिएको छ।</p>
प्रतिक्रिया दिनुहोस्
.jpg)
