Economics, Business and Entrepreneurship

गृहपृष्ठ

सेयर बजारमा फेरि ‘रेकर्ड ब्रेक’, बन्यो तीन नयाँ कीर्तिमान काठमाडौं। साताको पहिलो दिन आज आइतबार नेपाल स्टक एक्सचेञ्ज (नेप्से)ले अर्को कीर्तिमान कायम गरेको छ। हरेक साता नयाँ कीर्तिमान बन्दै आएको सेयर बजारमा आज कारोबार, परिसूचक र सेयर किनबेचतर्फ नै नयाँ रेकर्ड बनेको हो। आज नेप्से परिसूचक ७५ अंकले बढेर एक हजार ९६८ अंकमा पुगेको छ। यो अहिलेसम्मकै उच्च परिसूचक हो। यस्तै, ९ अर्ब २२ करोडको कारोबार भएको छ। जुन, अहिलेसम्मकै सबैभन्दा धेरै कारोबार रकम हो। यसअघि गत साता ७ अर्ब ६१ करोड रूपैयाँको कारोबार भएको थियो। यसैगरी, आज सेयर किनबेचतर्फ पनि नयाँ कीर्तिमान कायम भएको छ। आज अहिलेसम्मकै सबैभन्दा बढी २ करोड ५९ लाख कित्ता सेयर खरिदबिक्री भएको छ। कारोबार भएकामध्ये चार समूहमा गिरावट आए पनि बजारले नयाँ कीर्तिमान कायम गरेको हो। आज व्यापार, होटल, निर्जीवन बीमा कम्पनी र उत्पादनमुलक समूहको सूचक घटेको छ। यसबाहेक अन्य सबै समूहको सूचकमा उत्साहजनक सुधार आएको छ।