रेड्मीको पहिलो स्मार्टवाचमा के-के सुविधा छन् ?
<p>काठमाडौं। चिनिया स्मार्टफोन कम्पनी शाओमीको मातहतमा रहेको रेड्मी ब्रान्डले पहिलो स्मार्टवाच सार्वजनिक गरेको छ। रेड्मीले यो नयाँ स्मार्टवाचलाई रेड्डी नोट ९ फाइभजी रिरिजको साथमा लञ्च गरेको हो।</p>
<p>रेड्मी स्मार्टवाचको डायलको आकार स्क्वायर शेपमा बनाइएको छ भने यसमा विभिन्न फिटनेस फिचर पनि दिइएको छ। बजेट श्रेणीको यो स्मार्टवाचमा एएफसीको पनि सपोर्ट दिइएको छ।</p>
<p>यो रेड्मीवाचमा १.४ इञ्चको डिस्प्लेमा अटो ब्राइटनेसको सुविधा पनि दिइएको छ। साथै विभिन्न किसिमका प्रि-इन्स्टल्ड फिटनेस मोड्स पनि दिइएको छ। यो वाचमा मुटुको धड्कन नाप्ने (हार्ट रेट) मोनिटर पनि दिइएको छ।</p>
<p>रेड्मी स्मार्टको फिचर्सका कुरा गर्दा सात स्पोर्ट्स मोड छन्। यसमा रनिङ, साइक्लिङ र इन्डोर स्विमिङ पनि समावेश गरिएको छ। यसमा दिइएको हार्ट रेट मोनिटरले २४ घण्टा नै हार्ट रेट मोनिटर गर्ने र ३० दिनमा त्यसको रिपोर्ट पनि दिने कम्पनीले बताएको छ।</p>
<p>रेड्मी वाचमा स्लिप मोनिटर पनि दिइएको छ। साथै, यसले प्रयोगकर्तालाई श्वास फेर्ने एक्सरसाइज गर्न पनि सल्लाह दिनेछ। तर, यो स्मार्टवाचमा इसिजी र अक्सिजन लेभल मापन गर्ने सुविधा भने राखिएको छैन।</p>
<p>रेड्मी वाचले ७ दिनसम्म ब्याट्री ब्याकप दिने कम्पनीले दाबी गरेको छ। यदि प्रयोगकर्ताले केही हदसम्म कम प्रयोग गरेको खण्डमा १२ दिनसम्म ब्याट्री ब्याकअप बढ्न सक्ने कम्पनीले बताएको छ।</p>
<p>यसमा २३० एमएएचको ब्याट्री दिइएको छ, जुन फुलचार्ज हुनका लागि २ घण्टा मात्रै समय लाग्छ। यसको मूल्य २९९ युआन राखिएको छ।</p>
प्रतिक्रिया दिनुहोस्
.jpg)
