Economics, Business and Entrepreneurship

गृहपृष्ठ

कैलाली र कञ्चनपुरका आठ उद्योगको उत्पादन रोक्का, एकको फुकुवा काठमाडौं। कैलाली र कञ्चनपुरका मापदण्ड नपुगेका आठ खाद्य उद्योगको उत्पादन रोक्का गरिएको छ। खाद्य प्रविधि तथा गुण नियन्त्रण कार्यालय धनगढीले अनुगमनका क्रममा मापदण्ड नपुगेका कैलालीका ५ र कञ्चनपुरका ३ उद्योगको उत्पादन रोक्का गरेको हो। यस्तै, कार्यालयले एक उद्योगको उत्पादन फुकुवा गरेको जानकारी दिएको छ। कार्यालयले दुईवटै जिल्लाको २४ वटा पानी प्रशोधन तथा चिसो पेय पदार्थ उद्योगमा अनुगमन गरेको थियो। कञ्चनपुरको कौशल कञ्चन मिनरल शुक्लाफाँटा झलारी पानी उद्योगले मापदण्ड सुधार नगरेसम्मका लागि उत्पादन रोक्का राखिएकोमा मापदण्ड सुधार गरी कार्यालयमा जानकारी गराएकोले उत्पादन फुकुवा गरिएको बताइएको छ। कैलालीका मापदण्ड नपुगी उत्पादन रोक्का रहेका प्रशोधित पानी उद्योगमा कैलाली बाटर इण्डष्ट्रिज धनगढी, न्यू एभरेष्ट अनुज उद्योग टीकापुर, एक्वा कर्णाली अमृत एण्ड बेभरेज इष्डष्ट्रिज लम्किचुहा, एनकेडिजे बेभरेज एण्ड प्याकिङ उद्योग लम्किचुहा र चिसो पेयपदार्थ उत्पादन गर्ने उद्योगमा अनुज एभरेस्ट उद्योग टीकापुर रहेका छन्। कञ्चनपुरका प्रशोधित पानी उद्योगमा डेली ड्रिङ्किङ बाटर एण्ड मल्टी प्रोडक्सन उद्योग पुर्नवास, ब्लु बर्ड बाटर टिटमेन्ट एण्ड सप्लायर्स भीमदत र शिवशङ्कर बाटर एण्ड मल्टि प्रोडक्सन भासी रहेका छन्। धनगढी कार्यालयले आर्थिक वर्ष २०७७/७८ प्रथम चार महिनाको अवधिमा खाद्य नमूना विश्लेषण र दाना नमूना विश्लेषणबाट पाँच लाख ७३ हजार १६५ रूपैयाँ राजश्व सङ्कलन गरेको छ।