लगानीकर्ताले नाफा बुक गर्दा घट्यो सेयर बजार, आठ अर्बको कारोबार
<p>काठमाडौं। नेपाल स्टक एक्सचेञ्ज (नेप्से) साताको अन्तिम दिन घटेर बन्द भएको छ।</p>
<p>साताभर उकालो लागेको नेप्से आज बिहीबार १५.०७ अंकले घटेर बन्द भयो। साताभर बढेको सेयर मूल्यबाट नाफा बुक गर्न किन्नेभन्दा बेच्न चाहने लगानीकर्ताको भीड लाग्दा परिसूचक घटेको हो।</p>
<p>यस क्रममा आज एक करोड ५८ लाख कित्ता सेयर किनबेच हुँदै आठ अर्ब २ करोड रूपैयाँ बराबरको सेयर कारोबार भएको छ।</p>
<p><strong>जलविद्युत् र माइक्रोफाइनान्स समूह मात्रै सुधार</strong></p>
<p>कारोबार भएकामध्ये सबैजसो समूहका लगानीकर्ताले सेयर बेच्दा दुई समूहमा भने सुधार आएको छ। जलविद्युत् १०.३६ र माइक्रोफाइनान्स ३०.०८ अंकले बढ्नुबाहेक अन्य कुनै समूहमा सुधार आउन सकेन।</p>
<p>जीवन बीमा कम्पनी समूह सबैभन्दा बढी २५८ अंकले घटेको छ। यस्तै, निर्जीवन बीमा समूह १६६ अंकले घटेको छ।</p>
प्रतिक्रिया दिनुहोस्
.jpg)
