सय अंकभन्दा बढीले घटेर बन्द भयो नेप्से
<p>काठमाडौँ। नेपाल स्टक एक्सचेञ्ज (नेप्से) परिसूचक एक सय २३ अंक घटेर बन्द भएको छ।</p>
<p>एक सयभन्दा बढी अंकले घटेपछि सयमभन्दा आधा घन्टाअगाडि नै कारोबार रोकिएको छ। नेप्से कार्यालयले नेगेटिभ सर्किट लागेपछि २ बजेर ३० मिनेट जानुभन्दा अगाडि नै कारोबार बन्द गरेको जानकारी दिएको छ।</p>
<p>नेगेटिभ सर्किट लागेर बन्द भएको सेयर बजार सय अंकभन्दा बढीले घटेर एक हजार ९३२ अंकमा आइपुगेको छ। यस क्रममा ७ अर्ब २० करोड रूपैयाँ बराबरको एक करोड ५४ लाख कित्ता सेयर किनबेच भएको छ।</p>
<p>यसबीचमा कारोबार भएका सबै समूहमा गिरावट आएको छ। सबैभन्दा बढी निर्जीवन बीमा कम्पनीको सूचक ५६९ अंकले घटेको छ। </p>
<p>यस्तै, उत्पादनमूलक ३६२ र लघुवित्त समूह २२४ अंकले घटेको छ।</p>
प्रतिक्रिया दिनुहोस्
.jpg)
