२०२० मा सबैभन्दा धेरै इन्टरनेटमा के खोजियो ?
<p>काठमाडौं। दुनियाँको सबैभन्दा लोकप्रिय सर्च इन्जिन गुगलले यो वर्षको 'इअर इन सर्च' जारी गरेको छ। जसमा यो वर्ष सबैभन्दा धेरै इन्टरनेटमा के खोजियो भन्ने कुरा पनि गुगलले बताएको छ।</p>
<p>गुगलले ग्लोबल टप ट्रेन्ड्रिङमा 'कोरोनाभाइरस' रहेको बताएको छ। यसपछि विश्वभरका मानिसले गुगलमा 'इलेक्सन रिजल्ट', 'कोबे ब्रायन्ट', 'जुम' र आईपीएल सर्च भएको बताएको छ।</p>
<p>न्युज इभेन्टको हकमा लिडिङ ट्रेन्डमा कोरोनाभाइरस, इलेक्सन रिजल्ट, ईरान, बेरुत र हान्ताभाइरस रहे। कलाकारहरूमा भने टम हन्क्स, ज्याक्विन फोनिक्स, अमिताभ बच्चन, रिकी गर्भाइस र जाडा पिन्केट स्मिथ शीर्ष स्थानमा छन्।</p>
<p>त्यस्तै सर्वाधिक सर्च भएका खेलहरूमा अमोङ्ग अस, फल गाइज: अल्टिमेट नकआउट, भालोरान्ट, गेन्सिन इम्प्याक्ट र दी लास्ट अस २ परेका छन्।</p>
<p>यो वर्ष धेरै चर्चित व्यक्तिको मृत्यु भयो त कोही मृत्युका कारण चर्चामा रहे। तर गुगलमा सर्वाधिक सर्च भएका मानिस सूचीमा कोबे ब्रायन्ट, नाया रिभेरा, चाड्विक बोसेम्यान, सुशान्तसिंह राजपुत र जर्ज फ्लोएड शीर्ष स्थानमा छन्।</p>
<p><br />
</p>
प्रतिक्रिया दिनुहोस्
.jpg)
