कोभिड-१९ को भार बैंकिङ क्षेत्रले थेगेका छन् : पवन गोल्यान
<p>काठमाडौं। उद्योगी पवन गोल्यानले कोभिड-१९ ले नेपालको अर्थतन्त्रमा ल्याएको भार बैंकिङ क्षेत्रले थेगेको बताएका छन्।</p>
<p>नेपाल आर्थिक पत्रकार संघ (नाफिज)को पाँचौं महासभामा बोल्दै उनले महामारीले अर्थतन्त्रमा निम्त्याएको संकट बैंकहरूले थेगेको बताएका हुन्।</p>
<p>बैंक तथा वित्तीय परिसंघ संस्थाका अध्यक्ष समेत रहेका गोल्यानले महामारीको समयमा अर्थतन्त्रको भार लिए पनि सबैले बैंक तथा वित्तीय संस्थालाई गाली गर्ने गरेको बताए।</p>
<p>उनले भने, “नेपालका सबै वित्तीय कम्पनीहरू पारदर्शी हिसाबले काम गर्छन्। तर, पनि सबैले यही क्षेत्रलाई गाली गर्ने गर्छन्।”</p>
<p>यस्तै बैंक तथा वित्तीय संस्था क्षेत्रको कानुन बनाउँदा यही क्षेत्रसँगको सहकार्यमा बनाउँदा कार्यान्वयमा सहजता तथा प्रभावकारी देखिने उनले बताए।</p>
प्रतिक्रिया दिनुहोस्
.jpg)
