सरकारले बोलाएको वार्तामा गएनन् किसान, भन्छन्- उधारो सम्झौता गर्ने पक्षमा छैनौं
<p>काठमाडौं। माइतीघरमा आन्दोलनरत उखु किसानले उद्योग, वाणिज्य तथा आपूर्ति मन्त्रालयले गरेको छलफलको निम्तो अस्वीकार गरेका छन्।</p>
<p>मन्त्रालयले छलफलका लागि बोलाए पनि आफूहरु नगएको उखु किसान संघर्ष समितिका सचिव हरिश्याम यादवले देखापढीलाई जानकारी गराए।</p>
<p>“अघिल्लो वर्ष पनि हामीले मन्त्रालयसँग छलफल गरेका हौं। सम्झौता पनि गरियो। तर, अहिलेसम्म कार्यान्वयन भएको छैन,” उनले भने, “गत वर्ष गरेको ५ बुदे सम्झौता कार्यान्वयन गरे पुग्छ। हामीसँग थप छलफल र वार्ता गरिराख्नु पर्दैन।”</p>
<p>गत वर्ष सरकारबाटै धोका पाएका कारण यसपटक छलफलका लागि मन्त्रालयले गरेको निम्तो अस्वीकार गरेको उनको भनाई छ। किसानहरुले सिंहदरबार गएर उधारो सहमती/सम्झौता नगर्ने सन्देश मन्त्रीलाई पठाएको उनले जानकारी दिए।</p>
<p>यसअघि उद्योग, वाणिज्य तथा आपूर्ति मन्त्रालयका प्रवक्ता डा. नारायणप्रसाद रेग्मीले आन्दोलनरत उखु किसानसँग आज छलफल गर्ने बताएका थिए।</p>
<p>उद्योग मन्त्रालयको परिसरमा आज मन्त्री लेखराज भट्टले किसानसँग भेटेर छलफल गर्ने उनले बताएका थिए। तर, मन्त्रालयको निम्तो किसानहरुले अस्वीकार गरेपछि आज हुने भनिएको छलफल रोकिएको छ।<br />
</p>
प्रतिक्रिया दिनुहोस्
.jpg)
