पुँजीको विकास गर्न सबै मान्छे श्रममा जोडिनुपर्छ : कृषिमन्त्री अर्याल
<p>काठमाडौं। कृषि तथा पशुपक्षी विकासमन्त्री पद्माकुमारी अर्यालले पुँजीको विकास गर्न सबै मान्छे श्रममा जोडिनुपर्ने बताएकी छिन्। थापागाउँ काठमाडौंमा थनेत प्लानेट फार्मको (शुक्रबार) उदघाटन गर्दै मन्त्री अर्यालले यस्तो बताएकी हुन्।</p>
<p>पुँजीको विकास गरेर समाजवादमा जोडिने भन्दै मन्त्री अर्यालले पुँजीको विकास गर्न सबै मान्छे अनिवार्य रूपमा श्रममा जोडिनुपर्ने बताइन्।</p>
<p>“अब सबै मान्छे श्रममा नजोडिकन पुँजीको विकास गर्न सकिँदैन। पुँजीको विकास गर्दै समाजवादमा जोडिने हो,” मन्त्री अर्यालले भनिन्, “पुँजीको विकास गर्न सबै मान्छे श्रममा अनिवार्य रूपमा जोडिनुपर्छ।”</p>
<p>श्रमलाई सम्मान गर्ने वातावरणको विकास गर्दै जानुपर्ने अहिलेको आवश्यकता भएको भन्दै उनले किसानलाई सम्मान नगर्ने हिजोको प्रचलनलाई बदलेर अब श्रमलाई सम्मान गर्ने प्रवृत्तिको विकास गर्नुपर्ने बताइन्।</p>
<p>“विगतमा श्रम गर्ने, खेती किसानी गर्ने मान्छेलाई सम्मान गर्ने प्रचलन हामीकहाँ थिएन। तर, अब त्यो सोच बदलौं। श्रम र श्रम गर्ने मान्छेलाई सम्मान गरौं। श्रम गर्ने मान्छेलाई उत्साहित बनाउन सिकौं,” मन्त्री अर्यालले भनिन्।</p>
प्रतिक्रिया दिनुहोस्
.jpg)
