Economics, Business and Entrepreneurship

गृहपृष्ठ

पोखरा अन्तर्राष्ट्रिय विमानस्थलको काम ६ महिनाभित्र सकिने, वार्षिक ८ लाख यात्रुलाई सेवा दिन सक्ने पोखरा। राष्ट्रिय गौरवको आयोजनाका रूपमा रहेको निर्माणाधीन पोखरा क्षेत्रीय अन्तर्राष्ट्रिय विमानस्थलको निर्माण कार्य अबको ६ महिनाभित्र सकिने भएको छ। विमानस्थल निर्माणमा हालको प्रगति र उपकरण जडानसहित अबको ६ महिनाभित्र विमानस्थल निर्माण सम्पन्न हुने विमानस्थल आयोजना प्रमुख इञ्जिनियर विनेश मुनकर्मीले जानकारी दिए। “अहिलेसम्म निर्माण व्यवसायीले म्याद थप्नुपर्छ भनेका छैनन्। उपकरण जडानको काम चारदेखि ६ महिना लाग्छ। बाँकी उपकरण केही समयभित्रै आउने भएकाले ६ महिनाभित्रै जडानको काम सकिने छ,” मुनकर्मीले भने। हाल विमानसथ्लको ६८ प्रतिशत भौतिक निर्माण सम्पन्न भइसकेको छ। हालको निर्माण प्रगतिलाई हेर्दा उक्त विमानस्थल कोभिड महामारी भए पनि तोकिएकै समयमा सम्पन्न हुने देखिन्छ।   यो विमानस्थल भैरहवामा निर्माणाधीन अन्तर्राष्ट्रिय विमानस्थलभन्दा पहिले नै सञ्चालनमा आउने आँकलन गरिएको छ। पोखरा विमानस्थलको ६८ प्रतिशत भौतिक प्रगति र करिब ५१ प्रतिशत वित्तीय प्रगति भएको छ। तोकिएको काम सम्पन्न भएपछि मात्रै ठेकेदारलाई पूरा भुक्तानी दिइने भएकाले वित्तीय प्रगति कम देखिएको हो। <blockquote> प्रविधि जडानका लागि आवश्यक विदेशी कामदार ल्याउन प्रक्रिया पूरा भएको र उनीहरू आउनासाथ उपकरण जडानको काम सुरू हुने बताइएको छ। प्रविधि जडानका लागि चीनसहित युरोप, अस्ट्रेलिया र अमेरिकाबाट पनि प्राविधिक ल्याउनुपर्ने आयोजनाले जनाएको छ। </blockquote> “कोभिड-१९ को समस्या नभएको भए यो आयोजना समयावधिभन्दा छ महिनाअघि नै निर्माण सम्पन्न गर्ने लक्ष्य थियो,” मुनकमीले भने।  सन् २०२१ जुनमा सम्पन्न गर्ने लक्ष्य रहेको यो आयोजनाको काम बन्दाबन्दीको अवधिमासमेत निरन्तर सञ्चालन भएको थियो। अहिले १६० चिनियाँ र ६० नेपाली गरी २२० कामदार खटिएका छन्। विमानस्थलको हाल दुई हजार ५०० मिटरको धावनमार्ग, एटीसी टावर, सातवटा भवन, एउटा ह्याङ्&zwj;गरलगायत निर्माण कार्य सम्पन्न भएका छन्। विमानस्थलमा लाइटिङलगायत उपकरण जडानको काम मात्र बाँकी छ। प्रविधि जडानका लागि आवश्यक विदेशी कामदार ल्याउन प्रक्रिया पूरा भएको र उनीहरू आउनासाथ उपकरण जडानको काम सुरू हुने बताइएको छ। प्रविधि जडानका लागि चीनसहित युरोप, अस्ट्रेलिया र अमेरिकाबाट पनि प्राविधिक ल्याउनुपर्ने आयोजनाले जनाएको छ।   पूर्वनिर्धारित समयअघि नै विमानस्थलको निर्माण कार्य सकिने आयोजना प्रमुख मुनकर्मीले दाबी गरे।   नेपाल नागरिक उड्डयन प्राधिकरणका निर्देशक प्रदीप अधिकारीले पनि पोखरा विमानस्थलको निर्माण तीव्रताका साथ भइरहेकाले निर्धारित समयअघि नै काम सम्पन्न हुने जनाए। करिब तीन हजार ९०० रोपनी क्षेत्रफलमा फैलिएको यो विमानस्थलको लगानी करिब २२ अर्ब हुने प्राधिकरणले जनाइएको छ।  चिनियाँ सरकारी स्वामित्वको ठेकेदार कम्पनी सीएएमसीईले २०७३ साउन १८ देखि विमानस्थल निर्माण गरिरहेको छ।   अन्तर्राष्ट्रिय नागरिक उड्डयन सङ्&zwj;गठन (आईकाओ)को मापदण्डअनुसार ‘फोरडी’ मोडलमा पर्ने पोखरा विमानस्थल निर्माण पूरा भएपछि बोइङ ७५७ र एयरबस ३२० वा सो सरहका जहाजको उडान अवतरण हुने जनाइएको छ।   विमानस्थलले वार्षिक आठ लाख यात्रुलाई सेवा दिनसक्ने बताइएको छ। विमानस्थलमा तीन न्यारोबडी, चार एटीआर जहाज र चार ट्वीनअटर जहाज गरी ११ वटा जहाज पार्किङ गर्न सकिने क्षमता छ। रिट्ठेपानी डाँडा काटिँदै ठूला जहाजको उडान एवं अवतरणमा अवरोध गर्ने भनिएको विमानस्थल नजिकैको रिट्ठेपानी डाँडा काट्ने तयारी भएको आयोजनाले जनाएको छ। धावनमार्गको ‘अप्रोच’ पर्ने भएकाले करिब ४० मिटर डाँडा काटेर समतल बनाइने छ। एक महिनाभित्रै ठेक्का प्रक्रिया अगाडि बढाएर करिब ६ महिनामा डाँडा काटेर सम्याइने छ। आयोजना प्रमुख मुनकर्मीका अनुसार आईकाओको मापदण्डअनुरूप जहाज उडान एवं अवतरण गर्ने मार्गमा अवरोध हुनु हुँदैन। “रिट्ठेपानी डाँडा धावनमार्गको ‘अप्रोच’मा परेको छ। त्यसले उडान तथा अवतरणमा अवरोध पुर्&zwj;याउने भएकाले काट्नुपर्छ। हाम्रो मार्गमा ४० मिटर ‘अप्स्ट्याकल’ परेकाले रिट्ठेपानी डाँडा काटेर समतल बनाइने छ,” मुनकमीले भने। अन्तर्राष्ट्रिय उडान ‘सिंगल अप्रोच’ बाट र आन्तरिकतर्फ धावनमार्गको दुवै एप्रोचबाट उडान तथा अवतरण हुने छ। डाँडा काट्दा दुवैखाले उडानलाई सहज हुने जानकारी दिएको छ। रासस