उत्पादनमूलक उद्योगलाई लकडाउन अवधिको विद्युत डिमाण्ड शुल्क छुट
<p>काठमाडौं। कोभिड–१९ ले प्रभावित उत्पादनमूलक उद्योगलाई लकडाउन अवधिभरको विद्युत डिमाण्ड शुल्क छुट भोलिदेखि कार्यान्वयन हुने भएको छ।</p>
<p>अर्थमन्त्री विष्णुप्रसाद पौडेलको अध्यक्षतामा अर्थ मन्त्रालयमा बसेको बैठकले भोलिदेखि विद्युत डिमाण्ड शुल्क छुट कार्यान्वयन गर्ने निर्णय गरेको हो।</p>
<p>अर्थमन्त्री पौडेलले निर्णय कार्यान्वयनबाट उद्योगहरु लाभान्वित हुने र कोभिड–१९ बाट प्रभावित अर्थतन्त्र जगाउन थप सहयोग पुग्ने विश्वास व्यक्त गरे।</p>
<p>बैठकमा औद्योगिक ब्यवसाय नियमावली, २०७६ मा उल्लेखित ५८ प्रकारका उद्योगलाई आधार मानेर छुट दिने सहमति भएको छ।</p>
<p>आर्थिक वर्ष २०७७÷७८ को बजेटमा कोभिड–१९ का कारण प्रभावित उत्पादनमूलक उद्योगलाई लडडाउन अवधिभर विद्युत डिमाण्ड शुल्क छुट दिने र माग कम हुने समयको विद्युत खपतमा ५० प्रतिशत छुट दिने उल्लेख गरिएको थियो। </p>
<p>बैठकमा अर्थ मन्त्रालयसहित, उद्योग र उर्जा मन्त्रालय, नेपाल विद्युत प्राधिकरण र उद्योग विभागका प्रतिनिधिको सहभागिता थियो।<br />
</p>
प्रतिक्रिया दिनुहोस्
.jpg)
