सेयर बजारमा सामान्य गिरावट
<p>काठमाडौं। आज मंगलबार सेयर बजार परिसूचक सामान्य अंकले घटेको छ । पछिल्लोसमय दिनदिनै बढेर नयाँ/नयाँ किर्तिमान बनाउँदै आएको नेपाल स्टक एक्सचेञ्‍ज (नेप्से) आज घटेको हो ।</p>
<p>कारोबार सुरु भएदेखि नै घट्न थालेको सेयर बजार अन्तिमसम्म ५.५७ अंकले घटेर रोकिएको छ । यसक्रममा आज नेप्से परिसूचक दुई हजार तीन सय २६ अंकमा आइपुगेको छ ।</p>
<p>बजार घटेपनि आज कारोबार रकम भने सुधारिएको छ । एक करोड ६३ लाख कित्ता सेयर किनबेच हुँदा सात अर्ब ४६ करोड रुपैयाँको कारोबार भएको छ ।</p>
<p>बजार घटेपनि व्यापार, वित्त र जीवन बीमा समूहमा भने सुधार आएको छ । ब्यापार समूहको सूचक ३९, वित्तको ३७ र जीवन बीमा समूहको सूचक ५३५ अंकले बढेको छ ।</p>
<p>यी बाहेक अन्य सबै समूहमा आज गिरावट आएको छ । सबैभन्दा बढी निर्जीवन बीमा कम्पनी समूहमा एक सय २४ अंकले गिरावट आएको छ । नेपाल लाइफ इन्स्योरेन्स कम्पनी समूहको सेयर मूल्य सबैभन्दा बढी दुई सय २४ रुपैयाँले बढेको छ ।</p>
प्रतिक्रिया दिनुहोस्
.jpg)
