Economics, Business and Entrepreneurship

गृहपृष्ठ

अन्‍नपूर्ण सुगर मिलका सञ्‍चालक सम्पर्कविहीन सर्लाही। धनकौल गाउँपालिकामा रहेको अन्&zwj;नपूर्ण सुगर मिलका सञ्&zwj;चालक राकेश अग्रवाल सम्पर्कविहीन भएका छन्। अग्रवाल केही दिनयता आफूहरुको सम्पर्कमा नरहेको  प्रमुख जिल्ला अधिकारी सुरेन्द्र पौडेलले जानकारी दिए। “केही दिनयता अन्&zwj;नपूर्णका मिलका सञ्&zwj;चालक हाम्रो सम्पर्कमा हुनुहुन्&zwj;न,” प्रजिअ पौडेलले भने,“उखु उत्पादक किसानको बक्यौता दिनका लागि हामीले रोक्का गरेको खातामा रकम भए पनि अग्रवाल सम्पर्कमा नरहेका कारण भुक्तानी हुन सकेको छैन।” उद्योगले दिएको जानकारी अनुसार उखु उत्पादक किसानको करिब १७ करोड रुपैयाँ पुरानो बक्यौता मिलले तिर्न बाँकी रहेको थियो। “उद्योगले किसानको भुक्तानी दिन करिब १७ करोड रुपैयाँ बाँकी रहेको बताएको थियो,” प्रजिअ पौडेलले भने। यसैबीचमा ११ करोड १६ लाख रुपैयाँ उद्योगले किसानलाई भुक्तानीसमेत गरिसकेको जिल्ला प्रहरी कार्यालयका प्रहरी प्रमुख प्रहरी उपरीक्षक सन्तोष सिंह राठौरले जानकारी दिए। उद्योगपतिको बैंक खाता रोक्का गरी उद्योगपतिलाई उखु उत्पादक किसानकै खातामा रकम हालिदिन प्रशासन र प्रहरीले संयुक्त रुपमा पहल गरेको थियो। अहिले पनि उद्योगपति अग्रवालको बैंक खातामा एक करोड ७३ लाख रुपैयाँ रहेको छ। उद्योपति सम्पर्कविहीन हुँदा किसानले  पैसा पाएनौं भन्दै गुनासो गरिरहेको प्रमुख राठौरले बताए। <blockquote> “किसानको उखुको बाँकी बक्याैता भुक्तानीका लागि मैले सकेसम्म प्रयास गरिरहेको छु। किसानको बाँकी बक्यौता भुक्तानी गर्ने प्रतिबद्धता जनाएका उद्योगपति नै सम्पर्कविहीन भएपछि  निकै समस्यामा परेको छु।” </blockquote> उद्योगपति सम्पर्कमा नआउने अनि किसान दिनहुँजसो भुक्तानी पाएनौं भन्दै प्रशासन कार्यालय घेराउ गर्न आउने गतिविधिले आफू निकै अफ्ठ्यारोमा परेको प्रजिअ पौडेलको भनाइ छ। “किसानको उखुको बाँकी बक्याैता भुक्तानीका लागि मैले सकेसम्म प्रयास गरिरहेको छु,” उनले भने, “किसानको बाँकी बक्यौता भुक्तानी गर्ने प्रतिबद्धता जनाएका उद्योगपति नै सम्पर्कविहीन भएपछि  निकै समस्यामा परेको छु।” अन्&zwj;नपूर्णसहित मुलुकभरका चिनी उद्योगले किसानको बक्यौता भुक्तानी नगरेपछि सरकारले उद्योगपतिको बैंक खाता रोक्का गर्ने, चिनी बिक्रीमा नियन्त्रण गर्नेलगायत उपाय अपनाएको थियो। उद्योगपतिहरुले भने किसानको भुक्तानी दिन आलटाल गर्दै आएका छन्। जिल्लाकै गोडैता नगरपालिकाअन्तर्गत बगदहमा रहेको महालक्ष्मी सुगर मिलले भने किसानको गत वर्षको सम्पूर्ण बक्यौता रकम भुक्तानी गरिसकेको जनाएको छ। प्रजिअ पौडेलले महालक्ष्मी सुगर मिलले किसानको गत विगत वर्षको सम्पूर्ण बक्यौता रकम भुक्तानी गरिसकेको जानकारी दिए। भने यता उद्योगीलाई उखु पाउन मुस्किल भएपछि सर्लाहीको हरिवन ११ मा रहेको ईन्दुशङ्&zwj;कर चिनी मिलले यस वर्षको उखुको सम्पूर्ण रकम भुक्तानी गरिसकेको जनाएको छ। गत वर्षमा जिल्लाको अन्&zwj;नपूर्णलगायत मिलमा उखु बिक्री गरेकै भुक्तानी नपाएको जनाउँदै आन्दोलन चलिरहेको भए पनि ईन्दुशङ्&zwj;कर चिनी मिलले भने चालु सिजनकै भुक्तानी दिएपछि उखु उत्पादक किसान दङ्&zwj;ग भएका छन्। किसानलाई भुक्तानीमा खासै झन्झट नदिएको ईन्दुशङ्&zwj;करले गत वर्षको मूल्यलाई नै आधार मानेर यस वर्ष उखु खरिद गरेको थियो। गत पुस ६ गतेबाट सञ्&zwj;चालनमा आएको मिलले यही माघ २ गतेसम्म आउँदा करिब सात लाख २६ हजार २०० क्&zwj;विन्टल उखु क्रसिङ गरिसकेको उद्योगका उखु प्रबन्धक योगनारायण रजकले जानकारी दिए। पुस २९ गतेसम्मको उखु खरिदबापतको रकम करिब ३२ करोड रुपैयाँ भुक्तानी गरिसकेको उनले जानकारी दिए। उद्योगले किसानलाई तीन पटकमा गरी  ३२ करोड रुपैयाँ भुक्त्तानी दिएको हो। दुई पटक १२/१२ करोड र एक पटक आठ करोड रुपैयाँ गरी तीन पटकमा जम्मा ३२ करोड रुपैयाँ भुक्तानी गरिसकेको प्रबन्धक रजकले बताए। यस वर्ष सरकारले उखुको मूल्य कायम नगरे पनि गत सालको मूल्यलाई आधार मानेर भुक्तानी दिएको उद्योगले जनाएको छ। रासस